શંકરસિંહ વાઘેલાનું વિવાદીત નિવેદન 2027ની ચૂંટણી પહેલા KHAM 2.0નો પહેલો ગિયર, હિંદુત્વની રાજનીતિના મૂળિયાં ઉખાડવાનો ઈરાદો!

- આનંદ શુક્લ 

કાસ્ટ સેન્સસ એટલે કે જાતિગત વસ્તીગણતરીના આંકડા પહેલા ગુજરાતમાં જ્ઞાતિવાદી રાજકારણ થકી હિંદુત્વની રાજનીતિના મૂળિયા ઉખાડવાની રણનીતિ પર કોંગ્રેસમાં સામેલ થવા જઈ રહેલા શંકરસિંહ વાઘેલા આગળ વધી રહ્યા છે. તેમની એકમાત્ર રાજકીય મહેચ્છા ગુજરાતમાં ભાજપને હરાવવાની છે. જો કે આ આખા રાજકીય ખેલમાં ગુજરાતનો મુસ્લિમ તો "ટેકન ફોર ગ્રાન્ટેડ" જ રહી જવાનો!

શ્રાદ્ઘ પક્ષ પત્યા પછી ગુજરાતમાં ભારતીય જનતા પાર્ટીના રાજકીય શ્રાદ્ધ સાથેની રાજકીય મહેચ્છા સાથે 86 વર્ષીય શંકરસિંહ વાઘેલા ફરીથી કૉંગ્રેસમાં જોડાય તેવી પ્રબળ શક્યતા છે. તેના પહેલા જ નર્મદા જિલ્લાના સાગબારાના આદિવાસી સંમેલનમાં ગુજરાતના પૂર્વ મુખ્યમંત્રી શંકરસિંહ વાઘેલાએ ગાંધી જયંતી પર કહ્યુ હતુ કે જંગલ જમીનના સાચા માલિક આદિવાસીઓ છે. આદિવાસીઓએ આંદોલનના માર્ગે સમય વડેફવાના સ્થાને સરકારને બદલી કાઢવી જોઈએ. શંકરસિંહ વાઘેલાએ અલગ ભીલિસ્તાન રાજ્યને સમર્થ આપતા કહ્યુ કે આખી દુનિયાને ખબર છે કે સૌથી દુ:ખી સમાજ આદિવાસી સમાજ છે. દિલ્હી અને ગાંધીનગરમાં બેઠેલા લોકો અનામતના દુશ્મન છે. 

2027માં જાતિગત વસ્તીગણતરીના આંકડા સામે આવવાના છે. તેના પહેલા અનામતના રાજકારણની વિવિધ ચોપાટો દેશભરમાં ચાલી રહી છે. ગુજરાતમાં પણ આનું સ્વરૂપ જોવા મળી રહ્યું છે. આદિવાસી આંદોલનમાં અનામતનો મુદ્દો ઉઠાવતા શંકરસિંહ વાઘેલાએ કહ્યુ કે 'અનામત કોઈ મહેરબાની કરીને નથી આપેલી, આખી જિંદગી ભોગવ્યું છે. હું બધાને કહું તમારે જો મેલું ઉપાડવાવાળી નોકરી કરવી હોય, તમે પટેલ-વાણિયા-બ્રાહ્મણ કોઈપણ હોય જે આના વિરોધી હોવ, તો મેલું ઉપાડવા માટે મહિને ₹50,000 પગાર હું તમને આપું, તમે આ લોકોનું મેલું ઉપાડો'

આ નિવેદન બાદ બ્રાહ્મણ, પટેલ અને વણિક આગેવાનોનએ નારાજગી વ્યક્ત કરીને માફીની માગણી કરીને ઉગ્ર આંદોલનની ચિમકી પણ આપી છે. 

પણ શંકરસિંહે કહ્યુ છે કે મેં જિંદગીમાં કોઈ નિવેદન ફેરવી તોળ્યું નથી. માફી માગવાનો સવાલ નથી. તેની સાથે ધમકી પણ આપી છે કે શંકરસિંહ સામે મજાક ન કરતા. હું ચિલાચાલુ પોલિટિશિયન નથી, જે કીધું છે તે ડંકાની ચોટ પર કીધું છે. 

KHAM થિયરી 2.0નો ફર્સ્ટ ગિયર

ગુજરાતમાં 1969ના હિંદુ-મુસ્લિમ રમખાણો બાદ રાજકીય ઋતુ બદલાઈ હતી. દેશભરમાં કૉંગ્રેસના તત્કાલિન આંતરિક જૂથવાદ અને વિપક્ષની એકતાની શરૂઆત પણ ગુજરાતથી જ થઈ હતી. ગુજરાતમાં બાબુભાઈ જશભાઈ પટેલના નેતૃત્વમાં જનતા મોરચાની સરકાર પણ બની હતી. જો કે કટોકટીના કપરા રાજકીય કાળ બાદ જનતા પાસે બે જ વિકલ્પ હોવાથી તેમણે તો પેન્ડ્યુલમની જેમ એક પાર્ટીથી બીજી પાર્ટી તરફ વોટની દોટ મૂકવાની જ હતી. તેવામાં કટોકટી આવી અને તેની સામે આંદોલન થયા. પણ ગુજરાતમાં બદલાયેલી રાજકીય ઋતુને રોકવા માટે ગુજરાત કોંગ્રેસે ખામ થિયરી તરફ રાજકીય દોટ મૂકી હતી. 

KHAM થિયરી એટલે ક્ષત્રિય, હરિજન (અનુસૂચિત જાતિ), આદિવાસી અને મુસ્લિમ વોટરોના મત સમીકરણોથી ગાંધીનગરની ગાદી જાળવી રાખવાનો રાજકીય કારસો. આ રાજરમતની શતરંજ કોંગ્રેસના તત્કાલિન વરિષ્ઠ નેતાઓ ઝીણાભાઈ દરજી, માધવસિંહ સોલંકી અને સનત મહેતાએ બિછાવી હતી. આ રાજકીય શતરંજ પર ચાલ ચાલવાનું મુખ્ય કામ માધવસિંહ સોલંકીના હાથમાં હતું. 1980માં કોંગ્રેસ આઈને 141 બેઠકો મળી હતી. ખામ થિયરીનું રાજકારણ તેના પછી આગળ વધ્યું અને ગુજરાતી બે મોટા અનામત આંદોલનો જોયા. 1985માં કોંગ્રેસને 149 બેઠકો મળી હતી. 1985માં કોંગ્રેસને મળેલી 149 બેઠકોનો રેકોર્ડ છેક 2022 સુધી અકબંધ પણ રહ્યો હતો. 

પણ 1990માં જનતાદળ- ભાજપના ગઠબંધનને ગુજરાતની જનતાએ કોંગ્રેસ વિરુદ્ધ મત આપીને જીતાડયું અને કોંગ્રેસને માત્ર 33 બેઠકો આપી હતી. તેના પછી ખામ થિયરીને ગુજરાતમાં હિંદુત્વના રાજકારણે રિપ્લેસ કરી. આમ તો હિંદુત્વના રાજકારણમાં પણ અંદરખાને જાતિવાદી રાજનીતિની સોગઠાંબાજી ચાલતી હોવાનું કોઈનાથી અજાણ્યું નથી. પણ ખામ થિયરીનો સંપૂર્ણ પરાભવ 1995થી 2022 સુધી ચાલુ રહ્યો. 

2015માં પાટીદાર અનામત આંદોલન થકી ફરી એકવાર ગુજરાતમાં જાતિવાદી રાજનીતિએ માથું ઉંચક્યું. 2017માં ભાજપને તેનું નુકશાન પણ થયું. પણ સત્તા ટકી શકી.

 

કોંગ્રેસ અને ભાજપ વિરોધી પાર્ટીઓના રણનીતિકારોનું ચોક્કસપણે માનવું છે કે ભાજપની જીતનું કારણ હિંદુઓની રાજકીય એકતા છે એટલે કે હિંદુત્વ છે. જો ભાજપને હરાવવું હોય તો હિંદુઓની રાજકીય એકતાને તોડવી પડે. તેના માટે હિંદુઓનો જાતિવાદી રાજકારણમાં ગુંચવીને પોતાના રાજકીય ઈરાદાઓને પાર પાડી શકાય છે. આના માટે ઘણી રાજકીય કોશિશો 2015થી જ ગુજરાતમાં ચાલુ છે. 

હવે શંકરસિંહ વાઘેલાએ બ્રાહ્મણ, પટેલ, વણિક સમાજને લઈને જે વિવાદીત નિવેદન કર્યું છે. તેનાથી એ સંકેત મળી રહ્યા છે કે ગુજરાતમાં ખામ થિયરી 2.0નો પહેલો ગિયર પડી ચુક્યો છે. 

2027ના આખરમાં ગુજરાતમાં વિધાનસભાની ચૂંટણી યોજાવાની છે. આ પહેલા દેશમાં ચાલી રહેલા જાતિગત વસ્તીગણતરીના આંકડા પણ સામે આવે તેવી સંભાવના છે. ત્યારે ગુજરાતમાં જ્ઞાતિવાદને રાજકીય સ્તરે ઉછાળવાથી ભાજપને રાજકીય નુકશાન જઈ શકે છે અને આનો ફાયદો ઉઠાવવાનું રાજકીય ગણિત કોંગ્રેસમાં શ્રાદ્ધ પક્ષ પછી સામેલ થવાની સંભાવના ધરાવતા શંકરસિંહ વાઘેલાએ માંડ્યું છે. 

શંકરસિંહ વાઘેલાના નિવેદનમાં ક્ષત્રિય સમાજને લઈને કોઈ ટીપ્પણી કરવામાં આવી નથી. આની પાછળનું દેખીતું કારણ શંકરસિંહ વાઘલેા ક્ષત્રિય સમાજમાંથી આવતા હોવાનું માનવામાં આવે છે. પણ શંકરસિંહ વાઘેલા જેવા પાકટ રાજકારણી આવી છીછરી રાજકીય ગણતરી કરે તે માનવું ખુદ હાસ્યાસ્પદ છે. ગુજરાતમાં ખામ થિયરી 2.0 વર્ઝનમાં ક્ષત્રિય સમાજની પણ મોટી ભૂમિકા હશે. આવા સંજોગોમાં ક્ષત્રિય સમાજ નારાજ થાય તેવી ટીપ્પણી ક્ષત્રિય સમાજમાંથી જ આવતા શંકરસિંહ જેવા નેતા દ્વારા થાય તેવી સંભાવના સ્વપ્નેય વિચારી શકાય તેમ નથી. 

ગુજરાતનું જ્ઞાતિ સમીકરણ

ગુજરાતમાં એક અંદાજ મુજબ, અનુસૂચિત જાતિની વસ્તી 7 ટકા અને આદિવાસી એટલે કે અનુસૂચિત જનજાતિની વસ્તી 11 ટકા છે. જ્યારે અન્ય પછાત વર્ગ એટલે કે ઓબીસી વર્ગની વસ્તી 52 ટકા જેટલી માનવામાં આવે છે. આમ ગુજરાતમાં ઓબીસી, એસસી, એસટી સમુદાયોના લોકોની વસ્તી 70 ટકા જેટલી છે. તો મુસ્લિમ સમુદાયની વસ્તી કે જેમાથી ઘણાંનો સમાવેશ ઓબીસી કેટેગરીમાં પણ થાય છે,  તેમની વસ્તી 9.69 ટકા જેટલી છે. 

શંકરસિંહ વાઘેલા ખામ થિયરી 2.0નો ફર્સ્ટ ગિયર નાખી ચુક્યા છે. તેનું રાજકીય રહસ્ય આ આંકડા અને તેનાથી ઉભા થતાં જાતિ સમીકરણોના વોટ ગણિતમાં છે. 

ઓપન કેટેગરીની ગુજરાતમાં વસ્તી 26 ટકા જેટલી હોવાનું અનુમાન છે. જેમાં મુસ્લિમ સમુદાયનો ઉચ્ચ વર્ગ પણ સામેલ છે. એટલે કે ખામ થિયરીના નવા સ્વરૂપ અને નવા આકાર સાથે આગળ વધવામાં આવે તો ગુજરાતમાં ભાજપને ચૂંટણીમાં ભૂ પાય શકાય છે, તેવી શંકરસિંહ વાઘેલાને તેમના 6 દાયકાના રાજકીય અનુભવ થકી સમજ ઉભી થઈ હશે. 

1990માં ગુજરાતમાં 16 ટકા વસ્તી ધરાવતા પાટીદારો કોંગ્રેસથી દૂર થઈને ભાજપના તરફદાર બન્યા હતા. 2015ના પાટીદાર અનામત આંદોલન છતાં ભાજપની કોર વોટબેંક પાટીદાર સમુદાય છે. જો કે નરેન્દ્ર મોદીના ગુજરાતના મુખ્યમંત્રી બન્યા બાદ ગુજરાત ભાજપમાં ઓબીસી વર્ગનો દબદબો પણ તબક્કાવાર વધ્યો છે અને જેમાં કોળી-ઠાકોર સહીતના જ્ઞાતિવર્ગો સામેલ છે. 2002ના ગોધરાકાંડ અને તેના પછીના રમખાણો બાદ અનુસૂચિત જનજાતિ વર્ગ કે જે કોંગ્રેસનો સમર્થક હતો, તેણે રાજકીય રીતે ભાજપને સમર્થન આપવાનું શરૂ કર્યું હતું. હાલ પણ કેટલાક અપવાદરૂપ પોકેટ્સ સિવાય ભાજપનો આદિવાસી વિસ્તારોમાં રાજકીય દબદબો છે. અનુસૂચિત જાતિ વર્ગો પણ 2002 બાદ મોટા પ્રમાણમાં ભાજપના ટેકેદાર બની ગયા હતા. 2015-16 બાદ ઉના કાંડની ઘટના પછી પરિસ્થિતિ બદલાઈ છે. કોંગ્રેસના અનુસૂચિત જાતિના યુવા નેતા જિગ્નેશ મેવાણીની સક્રિયતાએ આમા વધારો કર્યો છે. જો કે 2022ના પરિણામો જણાવે છે કે ભાજપને જ્ઞાતિવાદી રાજકારણથી હરાવી શકાય તેવી સ્થિતિ નથી. ભાજપે 2022માં ગુજરાત વિધાનસભાના ઈતિહાસમાં સૌથી વધુ બેઠકો (156 બેઠકો) મેળવી હતી. પણ તેમાં કોંગ્રેસ અને આમ આદમી પાર્ટી વચ્ચે મતવિભાજનની પણ એક મોટી ભૂમિકા હોવાનું રાજકીય વિશ્લેષકો માની રહ્યા છે. 

આ વિશ્લેષણોના આધારે કોંગ્રેસના રણનીતિકારો ગુજરાતમાં 2017ની જેમ ભાજપ વિરુદ્ધ કોંગ્રેસનો દ્વિપાંખિયો જંગ ઈચ્છી રહ્યા છે કે જેમાં કોઈ ત્રીજા પક્ષમાં મતવિભાજન થાય નહીં. 

ભાજપના હિંદુત્વના રાજકારણ સામે જ્ઞાતિવાદી રાજકારણનું કાર્ડ પ્રચંડ રાજકીય કાવાદાવા સાથે રમવાની વ્યૂહરચના પર પણ કામ થઈ રહ્યું છે. નર્મદા જિલ્લામાં આદિવાસી સમુદાયમાં આમ આદમી પાર્ટીના ધારાસભ્ય અને નેતા ચૈતર વસાવાનો ઘણો મોટો પ્રભાવ છે. આ વિસ્તારમાં શંકરસિંહ વાઘેલા દ્વારા અનામતનો મુદ્દો ઉઠાવવો, આદિવાસીઓની વાત કરવી અને અનુસૂચિત જાતિના મેલુ ઉપાડવાના મામલાની વાત કરીને બ્રાહ્મણ, પટેલ અને વણિક સમુદાયને નિશાન બનાવતું નિવેદન કરીને તેમાંથી ક્ષત્રિય સમાજને બાકાત રાખવો એક રાજકીય રણનીતિના નવા દાંવપેચની નવી શરૂઆત છે. 

જો કે દાવા એવા પણ થઈ રહ્યા છે...

શંકરસિંહ વાઘેલા મૂળ જનસંઘી હોવાની વાત કરીને સોશયલ મીડિયા પર એવા પણ દાવા થઈ રહ્યા છે કે તેઓ કથિતપણે ભાજપની ટોચની નેતાગીરી સાથે સાંઠગાંઠ કરીને ફરી એકવાર કોંગ્રેસને રાજકીય દગો આપવા માટે જ ફરીથી તેમાં પ્રવેશી રહ્યા છે. સોશયલ મીડિયા પર તર્કો અપાઈ રહ્યા છે કે શંકરસિંહ વાઘેલા આવું નિવેદન આપીને ભાજપથી નારાજ બ્રાહ્મણ, પટેલ અને વણિક વોટર્સને ફરીથી તેમની સાથે જોડી રહ્યા છે. આવા તર્ક-વિતર્કો અને આંકડાની માયાજાળમાં એક વાત સ્પષ્ટ છે કે 2027ની ગુજરાત વિધાનસભાની ચૂંટણી પહેલા ગુજરાતમાં ભાજપ માટે જ્ઞાતિવાદી રાજનીતિના મોટા પડકારો સામે આવવાના છે. શંકરસિંહ વાઘેલા દ્વારા ખામ થિયરી 2.0નો નાખવામાં આવેલો ફર્સ્ટ ગિયર ભાજપ ન્યૂટ્ર્લ કરી શકે છે કે તેને સેકન્ડ, થર્ડ, ફોર્થ કે ફિફ્થ ગિયરમાં કોણ અને કેવી રીતે લઈ જાય  છે, તેના પણ હવે સૌની નજર રહેશે ? જો કે આવા રાજકારણથી ગુજરાતના લોકોનું કેવું અને કેટલું સારું થશે કે સામાજિક તાણાંવાણાં વધુ વિખાશે તેના પર પણ ચિંતન થવું જોઈએ?

આ રાજકીય શતરંજમાં મુસ્લિમ વોટર્સ ટેકન ફોર ગ્રાન્ટેડ હશે!

ગુજરાતમાં ખામ થિયરીના જૂના સંસ્કરણમાં મુસ્લિમ વોટર્સની મોટી ભૂમિકા હતી. પણ નવા વર્ઝનમાં મુસ્લિમોની હાલ ખાસ ચર્ચા નથી. ગુજરાતના 9.69 ટકા મુસ્લિમો મોટાભાગે કોંગ્રેસને જ ટેકો આપતા રહ્યા છે. છેલ્લી કેટલીક ચૂંટણીમાં મુસ્લિમો ભાજપને વોટ આપતા હોવાના આંકડા આવતા રહે છે, પણ એ આંકડા એટલા મોટા નથી કે ભાજપની જીત કે હારમાં કોઈ મોટો ફેરફાર કરી શકે. આવા સંજોગોમાં કોંગ્રેસ એમ માનીને ચાલી રહી છે કે જો તે ભાજપને ટક્કર આપવાની સ્થિતિમાં આવશે, તો મુસ્લિમ વોટર્સ તેને જ વોટ આપશે. તેથી તેમને લઈને હાલ કોઈ ખાસ ચર્ચા થઈ રહી નથી. આની પાછળનું કારણ એ પણ હોઈ શકે છે કે મુસ્લિમ વોટર્સને લગતા મુદ્દાઓમાં જો ધાર્મિક મુદ્દા કે મામલાની ચર્ચા કરવામાં આવે છે, તો તેનો ફાયદો ભાજપને મળવા લાગે છે. 

રિઝર્વેશન હટાવો આંદોલન મતલબ મોદી સરકાર હટાવો આંદોલન!

- આનંદ શુક્લ 

ભારતમાં અનામત એક રાજકીય ચક્રવ્યૂહ છે. કોઈ રાજનેતા ઘણો મોટો બને તો તેને અનામતના ચક્રવ્યૂહમાં ફસાવીને પછાડવો. આ રાજકીય પ્રયોગો ભારતમાં સ્વતંત્રતા પ્રાપ્તિ પછી મોટાભાગના રાજનેતાઓ સાથે થયા છે. ગુજરાતમાં ખામ થિયરી થકી સત્તામાં આવેલા માધવસિંહ સોલંકીએ 148 બેઠકો સાથે કૉંગ્રેસને જીત અપાવી હતી. પણ તેમને સત્તામાંથી હટાવવા માટે અનામત આંદોલનની મોટી ભૂમિકા હતી. અરે માધવસિંહ સોલંકીની વાત થોડી જૂની છે. પણ જ્યારે નરેન્દ્ર મોદી વડાપ્રધાન બન્યા ત્યારે 2014માં રાજકીય કુનેહ ધરાવતા આનંદીબહેન પટેલને ગુજરાતના પ્રથમ મુખ્યમંત્રી બનાવવામાં આવ્યા. પણ આનંદીબહેન પટેલ જે સમુદાયમાંથી આવે છે અને ભાજપના ગુજરાતમાં જે સૌથી મોટા વોટર્સ સમુદાય છે- તે પાટીદાર સમુદાયે અનામતની માગણી સાથે પાટીદાર અનામત આંદોલન સમિતિના નેજા હેઠળ એક આંદોલન કર્યું હતું. આ આંદોલન 2015માં જીએમડીસી ખાતે એક મહાવિશાળ રેલી દ્વારા આનંદીબહેન પટેલની સરકાર સામે એક મોટો પડકાર ઉભો કરી ચુક્યું હતું. આંદોલન દરમિયાન થયેલા ગોળીબારમાં 14 જેટલા પાટીદાર યુવાઓના બલિદાન થયા. તેના પછી આર્થિક રીતે પછતાં સવર્ણ સમુદાયોને 10 ટકા અનામત આપવામાં આવ્યું. 

આનંદીબહેન પટેલના જીવનચરિત્ર ચુનૌતિયાં મુઝે પસંદ હૈ- માં પાટીદાર અનામત આંદોલનને લઈને ઉલ્લેખ કરવામાં આવ્યો છે કે આ માગણી બંધારણીય રીતે પૂર્ણ થઈ શકે તેમ ન હતી. આને લઈને વાતચીત ચાલી રહી હતી. તેની સાથે પાટીદાર અનામત આંદોલન પાછળ ભાજપ-કોંગ્રેસના મોટા નેતાઓની ભૂમિકાને લઈને પણ વાત કરવામાં આવી છે. ટૂંકમાં પાટીદાર અનામત આંદોલનના એક વર્ષ બાદ આનંદીબહેન પટેલે 2017ની વિધાનસભા ચૂંટણીના દોઢ-સવા વર્ષના સમય પહેલા રાજીનામું આપ્યું હતું. એટલે કે પાટીદાર અનામત આંદોલન કે જેમાં પાટીદારોને ઓબીસી અનામત આપવાની માગણી કરવામાં આવી હતી, જે બંધારણીય રીતે શક્ય ન હતી- તેના કારણે આનંદીબહેનને રાજીનામું આપવું પડયું. એટલે કે આ આંદોલનની ડિઝાઈન ગુજરાતના પહેલા મહિલા મુખ્યમંત્રી આનંદીબહેન પટેલને હટાવવાની હતી. 

હવે ગુજરાતવાળો અનામતના સફળ ચક્રવ્યૂહનો પ્રયોગ કેન્દ્રમાં મોદી સરકાર સામે થઈ રહ્યો છે. કોકરોચ જનતા પાર્ટી દ્વારા નીટ-યુજી પેપર લીક કાંડમાં શિક્ષણ પ્રધાન પદેથી ધર્મેન્દ્ર પ્રધાનના રાજીનામા અને પેપર લીક મામલે કડક કાયદાના અમલ પછી હવે આંદોલન-આંદોલનની રમત-ગમત સ્પર્ધા જાણે કે દિલ્હીના જંતર-મંતર પર ચાલુ થઈ છે. કોકરોચ જનતા પાર્ટી એટલે કે સીજેપી પહેલા ડિજિટલ પ્લેટફોર્મ પર આમ આદમી પાર્ટીના પૂર્વ કાર્યકર્તા અભિજીત દીપકેએ કરી હતી અને તેમણે તેને સફળતા સુધી પહોંચાડીને દર્શાવી દીધું કે મોદી સરકાર પણ ઝુકે છે, ઝુકાવનારો જોઈએ. 

હવે જંતર-મંતર પર રિઝર્વેશન હટાવો આંદોલનના નેજા હેઠળ અનામત વ્યવસ્થા પર વિમર્શ હેઠળ એક આંદોલન ઉભું કરવાની કોશિશ થઈ રહી છે. આ આંદોલનના ચહેરા ક્યારેક દક્ષિણપંથી વિચારધારા ધરાવતી થિંક ટેન્કો અથવા વૈચારીક આંદોલનમાં જોવા મળતા હતા. આવા ચહેરા સીધા પોતાને આંદોલન સાથે જોડાયેલા હોવાનો ઈન્કાર પણ કરી રહ્યા છે. જેવી રીતે ગુજરાતમાં પાટીદાર અનામત આંદોલન સમિતિનો ચહેરો હાર્દિક પટેલ હતા., તેવી રીતે આ આંદોલનનો ચહેરો હર્ષ દુબે છે. આમ તો અનામત ભારતીય રાજકારણના એવા સાત કોઠા છે કે જેમાં ફસાયેલા નેતા મોટાભાગે અભિમન્યુ જ સાબિત થયા છે અને આ સાત કોઠાને વિંધનારા અર્જૂનની રાહ જોવાઈ રહી છે. પરંતુ હાલ જે રિઝર્વેશન હટાવો આંદોલન ચાલી રહ્યું છે, તેમાં મોદી સરકારને અભિમન્યુ બનાવવાની કોશિશ થઈ રહી છે. ભલે 2029ની લોકસભાની ચૂંટણીને હજી અઢી વર્ષ જેટલો સમય બાકી હોય. પણ તેના પહેલા 2027માં આવનારી યુપી અને ગુજરાત સહીતના મહત્ત્વના રાજ્યોની વિધાનસભાની ચૂંટણીમાં આ રાજકીય પ્રયોગના પારખા કરવાની આંદોલનકારીઓ અને તેમની પાછળ રહેલા લોકોને હશે.

ભારતમાં જાતિગત વસ્તીગણતરી એટલે કે કાસ્ટ બેસ્ડ સેન્સસ ચાલી રહ્યો છે. તેના પછી ભારતમાં વસ્તીના પ્રમાણમાં એસસી-એસટી-ઓબીસી અનામત વધારવાની માગણીઓ સાથે કોંગ્રેસ, સમાજવાદી પાર્ટી, બહુજન સમાજ પાર્ટી, ડાબેરીઓ સહીતના વિપક્ષી દળોના નેતાઓ નિવેદનબાજી કરી ચુક્યા છે. કોંગ્રેસે તો જાતિગત વસ્તીગણતરીમાં ઓબીસી કૉલમ ઉમેરવાની માગણી કરતો પત્ર પણ વડાપ્રધાન નરેન્દ્ર મોદીને લખ્યો છે. 2014થી ચૂંટણી પ્રચારમાં વડાપ્રધાન નરેન્દ્ર મોદી ઓબીસી જ્ઞાતિમાંથી આવતા હોવાનું ઘણીવાર કહી ચુક્યા છે. 2015માં જ્યારે પાટીદાર અનામત આંદોલન ચાલતું હતું, તે અરસામાં બિહાર વિધાનસભાની ચૂંટણી વખતે એક દક્ષિણપંથી મેગેઝીનના ઈન્ટરવ્યૂના લીક થયેલા હિસ્સાને ટાંકીને રાષ્ટ્રીય સ્વયંસેવક સંઘના સરસંઘચાલક મોહન ભાગવતને ટાંકીને મીડિયા અહેવાલ હતા કે અનામતની વ્યવસ્થા પર પુનર્વિચારણા થવી જોઈએ. આને લઈને સંઘ તરફથી સ્પષ્ટીકરણ પણ બહાર પાડવામાં આવ્યું હતું. પણ 2015ની બિહાર વિધાનસભાની ચૂંટણીમાં ભાજપને સફળતા મળી ન હતી. 

તેવી જ રીતે 2024ની લોકસભાની ચૂંટણીની વાત કરીએ તો અબ કી બાર 400 કે પાર, સૂત્ર ચલાવવામાં આવ્યું. ભારતના બંધારણમાં ઘણી મહત્ત્વની જોગવાઈઓ બે તૃતિયાંશ બહુમતી અને 50 ટકા રાજ્યોના સમર્થનથી બદલી શકાય છે. તેથી બંધારણ બદલવાની ગર્ભિત યોજના હોવાનો ભાજપ-સંઘ પર આરોપ લગાવવામાં આવ્યો. તેનું પરિણામ હતું કે ભાજપને મળનારા દલિત વોટમાં ઘટાડો થયો અને ઓબીસી વોટર્સ પર પણ આની અસર થઈ હતી. જો કે ત્યારે વડાપ્રધાન નરેન્દ્ર મોદી અને અમિત શાહ સહીતના નેતાઓએ ખાત્રીપૂર્વક કહ્યું હતુ કે અનામત કોઈ હટાવી નહીં શકે. તાજેતરમાં રાજનાથસિંહે પણ કહ્યુ છે કે અનામત કોઈ માઈનો લાલ હટાવી શકશે નહીં. 

તેમ છતાં રિઝર્વેશન હટાવો આંદોલન જે રીતે આગળ વધી રહ્યું છે, તેની ડિઝાઈન મોદી સરકાર હટાવોની વધારે હોય તેમ લાગે છે. ભારતીય જનતા પાર્ટીની કોર સ્ટ્રેન્થ હિંદુ પોલિટિકલ યૂનિટી છે. 2014, 2019 અને 2024ની લોકસભાની ચૂંટણીઓમાં વિપક્ષને આનો તોડ મળ્યો ન હતો. પણ 2024ની લોકસભાની ચૂંટણીમાં તેમને સંકેત મળી ગયા હતા કે આ હિંદુ પોલિટિકલ યૂનિટીને તોડવી હોય તો કાસ્ટ બેસ્ડ પોલિટિક્સને પુનર્જીવિત કરવું પડે. તેના માટે કાસ્ટ સેન્સસ કરાવવાની માગણી પાસેરામાં પહેલી પુણી હતી અને તેના પછી અનામતની સુપ્રીમ કોર્ટે નક્કી કરેલી 50 ટકાથી વધારે અનામત આપવાની એટલે કે અનામતને વસ્તીના પ્રમાણમાં વધારવાની માગણી તેનો બીજો તબક્કો હતો. 

આને લઈને બિનઅનામત વર્ગના હિંદુ સમુદાયોનમાં પણ આશંકાઓ તેજ બની. જેનો લાભ લઈને વિપક્ષ હોય કે ભાજપ-સંઘ જે વૈચારીક દક્ષિણપંથી હિંદુત્વવાદી કુળ ધરાવે છે, તેમા રહેલા મોદી સરકારને નાપંસદ કરનારા વર્ગ-જૂથ હોય તેમના દ્વારા રિઝર્વેશન હટાવો આંદોલન શરૂ કરવાની કોશિશો થઈ છે. 

2014, 2019 અને 2024માં ભાજપને હિંદુ અપર કાસ્ટ્સના 50 ટકાથી વધુ વોટ મળ્યા છે. મતલબ કે તે ભાજપની વફાદાર વોટબેંક છે. 2024માં ભાજપની વફાદાર વોટબેંક ઓબીસી અને એસસી વોટમાં ગાબડું પાડવામાં વિપક્ષને સફળતા મળી હતી. 2024માં ભાજપને મળેલા ઓબીસી વોટ 52 ટકાથી ઘટીને 48 ટકા થયા હતા. જ્યારે એસસી કે દલિત વોટ 41 ટકાથી ઘટીને 36 ટકાએ પહોંચ્યા હતા. આની અસર ઉત્તરપ્રદેશમાં ભાજપની બેઠકોમાં ધરખમ ઘટાડાથી થઈ હતી. જેના પરિણામે ભાજપ-એનડીએ સ્પષ્ટ બહુમતીથી દૂર રહ્યું. જો કે રાહતની વાત એટલી છે કે ભાજપને મળેલા એસટી વોટ એટલે કે આદિવાસી વોટ 45 ટકાથી વધીને 51 ટકા થયા હતા. 

પણ હવે 2029ની લોકસભા ચૂંટણી અને તેના પહેલાની વિધાનસભાની ચૂંટણીઓમાં રિઝર્વેશન હટાવો આંદોલન સામે રિઝર્વેશન બચાવો આંદોલન શરૂ થાય અને તેના દ્વારા બિનઅનામત-ઓપન, ઓબીસી, એસસી અને એસટી વર્ગોમાં વહેંચાઈ જાય તેવી એક વોટિંગ પેટર્નને ઉપસાવવાની રાજકીય ડિઝાઈન થકી મોદી સરકાર-ભાજપ-આરએસએસ અને હિંદુવાદી સંગઠનોને પડકારીને હિંદુ પોલિટિકલ યૂનિટીને ખતમ કરવાનો એક મોટો રાજકીય પ્રયોગ હાથ ધરાયો છે. આ પ્રયોગ કેન્દ્રની મોદી સરકારને અનામતના રાજકીય ચક્રવ્યૂહમાં અભિમન્યુ બનાવવાની એક કોશિશ છે. પણ હંમેશા અર્જૂન સાબિત થનારી મોદી સરકાર નિશ્ચિતપણે આમા અર્જૂન તરીકે અકબંધ રહેવાની કોશિશ કરશે. પણ તે કેટલી અને કેવી રીતે સફળ રહેશે તે આંદોલનોની દશા અને દિશા જ નક્કી કરશે. 

શું ભાજપ-સંઘ આંદોલન ઉભા કરવાની ક્ષમતા ગુમાવી ચુક્યા છે?

- આનંદ શુક્લ  

આંદોલન ઉભા કરવા સંઘ અને આનુષંગિક સંગઠનો માટે ભાજપનું વિપક્ષમાં હોવું જ એક પ્રાથમિક શરત છે?

શું ભાજપ અને સંઘના સંગઠનોની શક્તિ ઘટી ગઈ છે? આ સવાલ એટલા માટે થઈ રહ્યો છે, કારણ કે કોકરોચ જનતા પાર્ટી ડિજિટલ પ્લેટફોર્મ પર સુપ્રીમ કોર્ટના મુખ્ય ન્યાયાધીશની એક ટીપ્પણી બાદ બને છે, તેના હજારો-લાખો ફોલોઅર્સ પણ બને છે અને નીટ-યુજી પેપર લીક કાંડમાં શિક્ષણ મંત્રી પદેથી ધર્મેન્દ્ર પ્રધાનનું રાજીનામું પણ કરાવી શકે છે. પણ વિદ્યાર્થીઓના પ્રશ્નો હોય અને ભારતનું સૌથી મોટું વિદ્યાર્થી સંગઠન હોવાનો દાવો કરતી અખિલ ભારતીય વિદ્યાર્થી પરિષદ એટલે કે એબીવીપી આખા મામલામાં ગેરહાજર હોય. આ આશ્ચર્ય નથી...? કોકરોચ જનતા પાર્ટીએ તો રાજસ્થાન સરકારને પણ અલ્ટીમેટમ આપ્યું છે કે જો આશુતોષ રાંકા અને તેમની ટીમ પર સ્કૂલ ઠીક કરો અભિયાન દરમિયાન થયેલા હુમલાના ગુનેગારોને ઝડપવામાં નહીં આવે અને સ્કૂલનું સમારકારમ શરૂ નહીં થાય તો 48 કલાકમાં સીજેપીના સંસ્થાપક અભિજીત દીપકે જયપુર પહોંચશે અને આંદોલન શરૂ કરશે. 

હવે સવાલ એ પણ ઉભો થાય છે કે જાહેરજીવનમાં ખાસ કરીને રાજકારણ અને સામાજીક-આર્થિક-

સાંસ્કૃતિક ક્ષેત્રોમાં સક્રિય આરએસએસના આનુષંગિક સંગઠનોની આને લગતા પ્રશ્નોમાં ગેરહાજરી શું સૂચવી રહી છે, કે ભાજપ અને સંઘના સંગઠનોની શક્તિ એઠલી ઘટી ગઈ છે કે સરકાર સામે થનારા કોઈ આંદોલનની સમાંતર ન તો કોઈ અન્ય આંદોલન કરી શકે છે અને ન તો આવા આંદોલનની હવા કાઢી શકે છે. 

આંધ્રપ્રદેશના વિશાખાપટ્ટનમમાં અખિલ ભારતીય સમન્વય બેઠક સંઘના વડપણ હેઠળ થઈ, પણ આ બેઠકમાં શું એવી ચર્ચા થઈ હશે કે આપણા જ આનુષંગિક રાજકીય ક્ષેત્રના સંગઠન ભાજપની સરકાર છે અને આપણા જ સ્વયંસેવકો સરકારમાં છે, તો સરકારની નકારાત્મક બાબતને છાવરવી કે દબાવવી અને તેની સામે આંદોલન કરવા નહીં ? નરેન્દ્ર મોદી અને અમિત શાહ ચૂંટણી જીતી રહ્યા હોવાથી બાકી કોઈ બાબતની જરૂર નહીં હોવાનું અખિલ ભારતીય સમન્વય બેઠકોમાં મંથન થતું હશે કે આનો સાર હશે કદાચ.. 

તેમને એવું પણ લાગી રહ્યું હશે કે ભાજપને દુનિયાની સૌથી મોટી રાજકીય પાર્ટી બનાવી દીધી તો હવે દુનિયામાં કંઈ કરવાનું બાકી રહ્યું નથી. ભાજપનું સૌથી મોટી રાજકીય પાર્ટી બનવું જ શું ભારત નિર્માણ કે રાષ્ટ્ર નિર્માણ છે ? પણ આંદોલનની ક્ષમતા ગુમાવી ચુકેલા સંઘના આનુષંગિક સંગઠનો અને ખુદ ભારતીય જનતા પાર્ટી હાલ તો ફૂલેલા પણ પોતાની શક્તિ ગુમાવી ચુકેલા શરીરો સિવાય કંઈ લાગતા નથી. 

2011 અને 2012માં દિલ્હીમાં કોંગ્રેસની આગેવાનીવાળી તત્કાલિન યુપીએ-2 સરકાર સામે થયા હતા. ત્યારે અણ્ણા હજારેનું ઈન્ડિયા અગેન્સ્ટ કરપ્શન આંદોલન હોય કે બાબા રામદેવનું આંદોલન હોય કે નિર્ભયા ગેંગરેપ કાંડ સામેનું આંદોલન હોય કે કોમનવેલ્થ ગેમ્સમાં દિલ્હીની તત્કાલિન કોંગ્રેસના શિલા દિક્ષિત સરકારની સામેના આંદોલન હોય, સત્તાધારી પક્ષ પરેશાન થયો હતો. ત્યારે ભાજપ અને સંઘ પર આંદોલનને હવા આપવાના આરોપ લાગી રહ્યા હતા અને તેમાં ઘણી હદે સચ્ચાઈ પણ હતી. સીધા આંદોલનમાં સામેલ થવા કરતા ત્યારે ભાજપે અને સંઘે જનાક્રોશને પડદા પાછળથી દિશા આપી અને તેનો રાજકીય લાભ 2014થી તેમને મળી રહ્યો છે. પણ હવે ભાજપ હોય કે સંઘ હોય કે કૉંગ્રેસ રાજ વખતના તેમના કોઈ બાબા હોય કે ઉપદેશકાર હોય કે સામાજિક કાર્યકર્તા, આવા કોઈનામાં પણ હાલ આંદોલન ઉભું કરવાની ક્ષમતા નથી. 

સીજેપીના આંદોલન પછી જંતર-મંતર પર 21 ઓગસ્ટે અનામત સુધારણા માટે એક દેખાવ થયા, તેને પોલીસની મંજૂરી પણ મળી ન હતી અને તેમને જંતર-મંતર પરથી હટાવાયાના અહેવાલ છે. આ આંદોલનની પાછળ કોણ હશે, તેનો હાલ તો ખુલાસો થયો નથી. પણ એટલું નક્કી છે કે આ આંદોલનકારીઓ મોદી સરકાર, ભાજપ અથવા સંઘ કે હિંદુવાદી સંગઠનોને સીજેપી આંદોલનકારીઓની જેમ ગાળો આપી રહ્યા ન હતા. તેથી તેનો અર્થ કાઢવામાં આવે છે કે આ આંદોલન આવા કોઈ આવા સંગઠનોના સમર્થકોના દોરીસંચાર હેઠળ ઉભા કરીને સીજેપી આંદોલનની અસરને ખાળવાનો પ્રયાસ થઈ રહ્યો છે. જો કે હાલ તો આવો પ્રયાસ સદંતર નિષ્ફળ દેખાઈ રહ્યો  છે અને આ જ દર્શાવે છે કે 2011-12માં જેઓ આંદોલનની ક્ષમતા ધરાવતા હતા, તેઓ હવે આંદોલન કરવા માટે સક્ષમ લાગી રહ્યા નથી. 

આંદોલન ત્યારે જ ઉભું થાય છે કે જ્યારે સમાજની લાગણીઓને ઠેસ પહોંચે કે તેને આઘાત લાગે, ત્યારે સમાજ આંદોલિત થયા છે અને તેના આક્રોશને એક દિશા આપવા માટે વૈચારિક અને સંગઠનિક પ્રમાણિકતા ધરાવતા ચહેરા કે સંગઠન મળે તો તે જનાંદોલનનું સ્વરૂપ લે છે. 

ભારતીય જનતા પાર્ટી 1980માં તેની સ્થાપનાકાળથી વિરોધ પક્ષની પાર્ટી તરીકે એક આંદોલનવાળી પાર્ટી ગણાતી હતી. 1984માં ભલે તેની માત્ર 2 બેઠકો આવી હતી, પણ આ જ પાર્ટીએ 1989-90માં પોતાની વૈચારીક અને સંગઠનિક ઈમાનદારી થકી ભારતના ઈતિહાસના સૌથી મોટા જનાંદોલનમાંથી એક એવા રામજન્મભૂમિ મુક્તિ આંદોલનને ઉભું કર્યું હતું. ત્યારે રામજન્મભૂમિ મુક્તિ આંદોલનને ખાળવા માટે શરૂ કરાયેલા મંડલ આંદોલનને ખાળવા માટે પણ ભાજપે પોતાના ટેકેદાર જૂથોને આંદોલિત કરીને મંડલ વિરુદ્ધ પણ એક વ્યાપક નરેટિવ બનાવ્યો હતો. રામજન્મભૂમિ મુક્તિ આંદોલન અને મંડલ વિરોધી આંદોલનોએ ભાજપની રાજકીય શક્તિને સતત વધારી અને પહેલા 13 દિવસ, પછી 13 માસ અને પછી ગઠબંધનમાં પુરા પાંચ વર્ષની સરકાર બનાવવાની ક્ષમતા આપી હતી. 

જ્યારે ભાજપની આગેવાનીમાં એનડીએની વાજપેયી સરકાર હતી, ત્યારે પણ રામમંદિર માટે વીએચપી, સ્વદેશીના આગ્રહ માટે સ્વદેશી જાગરણ મંચ, એબીવીપી, ભારતીય મજદૂર સંઘ, ભારતીય કિસાન સંઘ પોતપોતાના ક્ષેત્રમાં સક્રિય જ રહ્યા હતા. સંઘ વિચારક અને સ્વદેશી જાગરણ મંચના પ્રેરક દત્તોપંતજી ઠેંગડીએ આર્થિક નીતિઓને કારણે વાજપેયી સરકારના નાણાં મંત્રી યશવંત સિંહાને ક્રિમિનલ ફાયનાન્સ મિનિસ્ટર પણ ગણાવી દીધા હતા. 

પણ 2014થી 2026ના 12 વર્ષ જેટલા સમયગાળામાં મોદી સરકાર 1,2 અને 3ના કાર્યકાળમાં ઘણાં એવા મુદ્દાઓ છે કે વૈચારિક ધરાતલ પર તેનો સંઘના આનુષંગિક સંગઠનો દ્વારા વિરોધ થઈ શકે તેમ હતો. પણ હાલ વીએચપી લગભગ ચુપ છે, સ્વદેશી જાગરણ મંચ પણ ચુપ છે, નીટ-યુજી પેપરલીક કાંડ મામલે એબીવીપી પણ ચુપ રહ્યું અને આંદોલન સીજેપીએ અંકે કરી લીધું, કિસાનોના મુદ્દા પર પણ ભારતીય કિસાન સંઘ એટલું સક્રિય નથી, શ્રમિકોના મુદ્દાઓને લઈને ભારતીય મજદૂર સંઘ પણ મોટાભાગે ચુપ રહે છે. શું આ બધી રણનીતિ અખિલ ભારતીય સમન્વય બેઠકોમાં બનતી હશે કે આપણામાંના લોકો રાજ કરી રહ્યા છે માટે તેમને તકલીફ થવી જોઈએ નહીં? જો આવું થશે તો જે આંદોલનોનું નેતૃત્વ હિંદુવાદી સંગઠનો ખાસ કરીને સંઘના આનુષંગિક સંગઠનોને લેવાનું હતું, તે આગેવાની કોઈ બીજાના હાથમાં જતી રહેશે. પછી અર્બન નક્સલની પરિભાષાને અપડેટ કરીને દિમાગી નક્સલ કહીને તેને અલગ-થલગ કરવાની હાકલ કરવી પડશે. જો કે આવી વૈચારીક અને સંગઠનિક અપ્રમાણિકતા દિમાગી નક્સલને મેનસ્ટ્રીમમાં લઈ આવશે અને હિંદુવાદી સંગઠનોને અલગ-થલગ કરી દે તેવી પરિસ્થિતિ પેદા થશે. 

આમ તો મોદી સરકાર નીટ-યુજી પેપર લીક કાંડ મામલે પહેલીવાર ઝુકી નથી. યુપીએ સરકારના વખતના જમીન સંપાદન કાયદાને બદલવાનું મોદી સરકારને ભારે પડયું હતું અને કિસાન આંદોલનો કે જેમાં ભારતીય કિસાન સંઘની લગભગ ગેરહાજરી જ ગણી લો, સરકારને આ કાયદો પાછો લેવો પડયો હતો. તેવામાં મોદી સરકારે કૃષિ કાયદો બનાવ્યો અને ખેડૂતોની કિસ્મત બદલી નાખવાની વાત કરી હતી. પણ એક વર્ષ ચાલેલા આંદોલનમાં ખેડૂતોએ ત્રણેય કાયદાઓને પાછા ખેંચાવ્યા. રાષ્ટ્રીય ટીવી પર માફી માંગતા વડાપ્રધાન કાયદા પાછા ખેંચ્યા હતા. સરકાર અને ભાજપના નેતા કહેતા હતા કે આ સરકારમાં રાજીનામું થતું નથી. પણ સીજેપી આંદોલનકારીઓએ ધર્મેન્દ્ર પ્રધાનનું શિક્ષણ મંત્રી પદેથી રાજીનામું લેવડાવ્યું. 

આ બધું એટલા માટે થઈ રહ્યું છે કે સરકારની પાછળની સંગઠનશક્તિ હવે ખોખલી થઈ રહી છે. તેની નૈતિકતા અને વૈચારિક પ્રામાણિકતાની વિશ્વસનીયતા રસાતળ તરફ આગળ વધી રહી છે. 

એક સમય હતો કે ભાજપ ખુદ મોટા આંદોલન ઉભા કરતું હતું અથવા લોકપ્રિય આંદોલનમાં પડદા પાછળ ભૂમિકા નિભાવતું હતું. પણ ભાજપ કે સંઘ આનુષંગિક સંગઠનો કે તેની સાથે સિમ્પથી ધરાવનારા લોકો ઝારખંડ  સિવાયના કોઈ રાજ્યમાં પરીક્ષામાં થઈ રહેલા પેપર લીક કે ગડબડ મામલે આંદોલન ઉભા કરી શક્યા નથી. 

પં. દીનદયાલ દિગ્વિજય દિગ્દર્શન: જ્યારે તેમણે રાવલપિંડીનો તખ્ત તોડવાની કરી હતી વાત...

-  આનંદ શુક્લ

ભારત હિંદુ રાષ્ટ્ર છે. આમા કોઈને શંકા નથી, પણ શંકા પેદા કરવામાં આવી રહી છે. આનું એકમાત્ર કારણ ભારતની સ્વતંત્રતા પછીની રાજનીતિ છે. આ રાજનીતિએ ભારતમાં વિભેદ-મતભેદથી સત્તા સમીકરણો સાથીને ખુરશીની સાધનાની રાજકીય પરંપરા જ જોઈ છે. ભારતમાં સ્વરાજ્યથી સ્વરાષ્ટ્ર તરફ જવાનો એક માર્ગ પ્રશસ્ત થવો જોઈએ. આવા વૈચારિક દિગ્વિજયી દિગ્દર્શનનું કામ કરનારા વૈચારિક સાધનાના સાધક ઋષિઓમાંથી એક પંડિત દીનદયાલ ઉપાધ્યાય છે. તેમણે ભારતના દિગ્વિજયી વિચારોનો દિગ્દર્શન કર્યું છે.

17 મે, 1965ના રોજ આંધ્રપ્રદેશના સંઘ શિક્ષા વર્ગના બૌદ્ધિક વર્ગમાં પં. દીનદયાલ ઉપાધ્યાયે રાવલપિંડીનો તખ્ત તોડવો પડશે તેવો અભિપ્રાય વ્યક્ત કર્યો હતો. પં. દીનદયાલ ઉપાધ્યાયે કહ્યુ હતુ કે મુસ્લિમની રાજકીય આકાંક્ષાઓને પરાજીત કરવાનો પ્રયત્ન શિવાજીએ કર્યો. સદાશિવ ભાઉએ દિલ્હી પર આક્રમણ કરીને દિલ્હીના તખ્તને તોડયો, કારણ કે તે સમયે તે તખ્ત જ તેમના રાજકીય વર્ચસ્વનું પ્રતીક હતો. આજે ફરીથી તે દૂષિત પ્રવૃત્તિને નષ્ટ કરવાની છે, તો તેમનો તખ્ત તોડવો પડશે. પરંતુ હવે તેમનો તખ્ત દિલ્હી ન રહી રાવલપિંડીમાં છે. માટે જ્યાં સુધી રાવલપિંડીનો તખ્ત તૂટતો નથી, ત્યાં સુધી રાષ્ટ્રીય આત્મસાતીકરણનું કાર્ય પ્રારંભ નહીં થાય.  (પૃષ્ઠ-135, દીનદયાલ ઉપાધ્યાય સંપૂર્ણ વાડ્.મય ખંડ-12, (હિદી), સંપાદક- ડૉ. મહેશચંદ્ર શર્મા, પ્રકાશક-પ્રભાત પ્રકાશન, , સંસ્કરણ- પ્રથમ, 2016)

રાવલપિંડી અખંડ ભારતના ટુકડા કરીને બનાવવામાં આવેલા પાકિસ્તાનની સેનાનું મુખ્યાલય છે અને પાકિસ્તાનની સત્તાનું કેન્દ્રબિંદુ પણ છે. પાકિસ્તાન બન્યા પછી ભારતમાં મજહબી ઉન્માદ ફેલાવવાની કોશિશો હેઠળ ઈસ્લામિક આતંકવાદને પોષિત-પ્રેરીત કરવાની કોશિશોથી આપણે સૌ અવગત છીએઆ સમસ્યાને સમજવા માટે થોડીક તેની પૃષ્ઠભૂમિ પણ જોઈ લઈએ. તેના પહેલા યાદ રાખવું જોઈએ કે  ભારત, ભારતના લોકો, ભારતના હિંદુઓએ કોઈપણ ગુંચવાડાજનક વૈચારિક વંટોળમાં ફસાવવું જોઈએ નહીં. મજહબી ઉન્માદ ભારતની મોટાભાગની સમસ્યાનું મૂળ છે. સ્વતંત્રતા પૂર્વે 1946ની ચૂંટણી યોજાઈ તેમાં પાકિસ્તાનના મુદ્દાને લઈને તત્કાલિન અખંડ ભારતના 95 ટકા જેટલા મુસ્લિમોએ ભાગલાવાદી મુસ્લિમ લીગને પોતાના મત આપ્યા હતા. એક ઉત્તર-પશ્ચિમ પ્રાંતને બાદ કરતા તત્કાલિન અખંડ ભારતના પ્રાંતોમાં મુસ્લિમોએ પાકિસ્તાનનું સમર્થન કર્યું હતું. 

ત્યારે મુસ્લિમ તુષ્ટિકરણની નીતિની પરાકાષ્ઠા એ હતી કે આખા અખંડ ભારતની બાગડોર મુસ્લિમ લીગને સોંપવા માટે ગાંધીજી તૈયાર થઈ ગયા હતા. પરંતુ મુસ્લિમોના અલગ રાજ્યની સંભાવનાને જોતા ત્રણ પેઢી પહેલા ઈસ્લામ અંગિકાર કરીને મુસ્લિમ બનેલા પરિવારના મહંમદ અલી ઝીણા કોઈપણ પ્રકારની સમજૂતીનો ઈન્કાર કરી ચુક્યા હતા. 

મુસ્લિમોની કદાચ એવી કલ્પના રહી હશે કે મુસ્લિમોનો અલગ દેશ ભારતની ભૂમિ પર ઉભો કર્યા બાદ આગળ જઈને આખા ભારત પર મુસ્લિમ વર્ચસ્વ સ્થાપિત કરવા માટેની એક આધારભૂમિ ઉપલબ્ધ થશે. ત્યારે ઝીણાનું એક વિધાન પ્રસિદ્ધ થયું હતું કે પાકિસ્તાન જલ્દી આસામને ગળી જશે. જો કે આસામ ભારતનો જ અભિન્ન હિસ્સો છે. પણ આસામ રાજ્યમાં 38થી 40 ટકા મુસ્લિમ વસ્તી છે. તેનો અર્થ એ છે કે ઝીણા અને તેના પાકિસ્તાન પરસ્ત મુસ્લિમોની ટોળકી આસામ જેવા ભારતના ભૂભાગોની ધાર્મિક વસ્તી સંતુલનને ખોરવીને તેને પાકિસ્તાનનો ભાગ બનાવવા માંગતા હતા. 

અખંડ ભારત અને તેના પછીના પાકિસ્તાન બન્યા બાદના સ્વતંત્ર ભારતની સૌથી મોટી રાજકીય સમસ્યા મુસ્લિમ મજહબી ઉન્માદ છે. પંડિત દીનદયાલ ઉપાધ્યાયે કહ્યુ હતુ કે એકમ સદવિપ્રા: બહુધા વદન્તિ, આવું આપણે કહી છીએ. સત્ય એક છે, પરંતુ તત્વવેતા તેને અલગ-અલગ રીતે પ્રગટ કરે છે. આના આધારે આપણે ઈશ્વરને ગણેશ, શિવ, વિષ્ણુ આદિના સ્વરૂપે પૂજીએ છીએ. જો કોઈને મોહમ્મદની પૂજા કરી તો પણ વાંધાની વાત નથી. પંરતુ જો મુસ્લિમ મોહમ્મદનો અનુયાયી છે, જો તે અનુયાયી માત્ર હોય તો કોઈ ચિંતાની વાત નથી. પરંતુ ચિંતાનો વિષય એ છે કે મુસ્લિમ બન્યા બાદ તેની પ્રકૃતિ બદલાઈ જાય છે. તે રાષ્ટ્રથી અલગ થઈ જાય છે અને રાષ્ટ્ર માટે શત્રુ બની જાય છે. જ્યારે આ સ્થિતિ આવે છે, ત્યારે હિંદુ અને મુસ્લિમમાં ભેદ જોવા મળે છે. (પૃષ્ઠ-126, દીનદયાલ ઉપાધ્યાય સંપૂર્ણ વાડ્.મય ખંડ-12, (હિદી), સંપાદક- ડૉ. મહેશચંદ્ર શર્મા, પ્રકાશક-પ્રભાત પ્રકાશન, , સંસ્કરણ- પ્રથમ, 2016)

1947માં ભારતના ભાગલા બાબતે પં. દીનદયાલજીએ લખ્યું કે 1947માં થયેલો આ પરાભવ ભારતીય એકત્વની અનુભૂતિનો પરાજય નથી, પણ રાષ્ટ્રીય એકતાના નામે કરવામાં આવેલા ભ્રાંત પ્રયાસોનો પરાજય છે. આપણે એટલા માટે નથી હાર્યા કે આપણા ઉદેશ્યમાં કોઈ દોષ હતો, પરંતુ એટલા માટે કે આપણો માર્ગ ખોટો હતો. (પૃષ્ઠ-129, પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

ભારતમાં હજારો વર્ષોથી ચાલતા ઈતિહાસ અને જેમાં સંપૂર્ણ જીવન આવી જાય છે, તે તમામ બાબતોનો કોઈ શબ્દમાં સમાવેશ થાય તો તે હિંદુ છે. તે ભારતીયોને ભારતીયો સાથે જોડનારો શબ્દ છે. પણ તેને રાષ્ટ્રવાચકના સ્થાને પંથવાચક તરીકે જ વાપરવામાં આવ્યો છે. પં. દીનદયાલે સ્વતંત્રતા પહેલા અને પછી થયેલા હિંદુ -મુસ્લિમ એકતાના પ્રયત્નોની નિષ્ફળતાને દર્શાવીને હિંદુ એકતા પર ભાર મૂક્યો છે. પં. દીનદયાલજીએ કહ્યુ છે કે હિંદુ-મુસ્લિમ યૂનિટીના તો લોકોએ સૂત્રો પોકાર્યા, પરંતુ તેઓ એક વાત ભૂલી ગયા કે હિંદુ યૂનિટી પણ કોઈ ચીજ છે. આખરે જેમને જોડવાના છે, જો મુસ્લિમોને હિંદુ સાથે મિલાવવાના છે, તો કેટલાક લોકો આને માનીને ચાલે છે કે જો હિંદુ-મુસ્લિમ એકતા હશે, તો મુસ્લિમોને હિંદુઓની સાથે મિલાવવાના છે. જો હિંદુઓની સાથે મિલાવવાના છે, તો હિંદુ તેનું પણ એક અસ્તિત્વ હોવું જોઈએ. આ એક અસ્તિત્વનો આ શબ્દ દ્વારા તેમણે સ્વીકાર કરી લીધો, પરંતુ આ અસ્તિત્વને વ્યવહાર દ્વારા સ્વીકાર્યું નથી અને વ્યવહારથી વિપરીત કરવાનો પ્રયાસ કર્યો અને તેનું પરિણામ એ આવ્યું કે બધું હોવા છતાં પણ કોઈ સૂત્ર નથી. તેથી તમામ પ્રકારના સંઘર્ષ પેદા થાય છે, તમામ પ્રકારના ઝઘડા પેદા થઆય છે. (પૃષ્ઠ - 118 , દીનદયાલ ઉપાધ્યાય સંપૂર્ણ વાડ્.મય ખંડ-14, (હિદી), સંપાદક- ડૉ. મહેશચંદ્ર શર્મા, પ્રકાશક-પ્રભાત પ્રકાશન, , સંસ્કરણ- પ્રથમ, 2016)

હિંદુ-મુસ્લિમ એકતાના નામે થયેલા પ્રયાસોમાં હિંદુ એકતા લગભગ ગેરહાજર જ રહી અને તેના કારણે હિંદુઓની સામાજીક-રાજકીય એકતા થઈ નહીં. આ કારણ છે કે 1940થી 1947 વચ્ચે ઝીણા એ જ ભાષા બોલ્યા કે જે ભાષા શાહ વલીઉલ્લાહ ખાન અને સર સૈયદ અહમદ બોલતા હતા. ઝીણાએ કહ્યુ હતુ કે હું મારા જ બળ પર નિર્ભર છું. અંગ્રેજોનો ભરોસો કરતો નથી, ન તો હિંદુ બનિયાંઓનો કરું છું. આજે અમે ભારતના માત્ર એક ચતુર્થાંસ ભાગની માગણી કરી છીએ. ત્રણ ચતુર્થાંસ દેશને અમે હિંદુઓ માટે છોડવા તૈયાર છીએ। તે જો પોતાની હઠ નહીં છોડે તો કદાચ તે પણ તેમને નહીં મળે. હિંદુઓએ વિગત એક હજાર વર્ષથી ભારત પર શાસન કર્યું નથી. તેમને પોતાનું રાજ ચલાવવા માટે ત્રણ ચતુર્થાંસ ભારત આપવા માટે અમે તૈયાર છીએ. અમારા એક ચતુર્થાંસ ભાગની અભિલાષા છોડી દે. (પૃષ્ઠ-127, પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991) 

ભારતમાં તત્કાલિન નેતાગીરી દ્વારા હિંદુ-મુસ્લિમ એકતાના મુસ્લિમ તુષ્ટિકરણને આગળ રાખીને કરવામાં આવેલા પ્રયાસોનું જ પરિણામ ઘણું ભયાનક આવ્યું. મુસ્લિમ લીગના અધ્યક્ષ મહંમદ અળી ઝીણાએ કહ્યુ હતુ કે ભારતની સમસ્યા આંતરરાજ્યીય નથી, આંતરરાષ્ટ્રીય છે. આ શાંતિ લાવવી હોય તો અહીંની મુખ્ય જાતિઓને ભારતના અલગ-અલગ ટુકડા કાપીને આપી દેવા જ પડશે. ભારતમાં હિંદુ અને મુસ્લિમ મળીને એક મિલીજુલી રાષ્ટ્રીયતા પ્રાપ્ત કરી શકશે, આ એક કોરું સપનું માત્ર છે. મુસ્લિમ એક લઘુમતી સમુદાય નથી, એક રાષ્ટ્ર છે. તેને પોતાની સ્વતંત્ર ભૂમિ અને રાજ્ય મળવા જોઈએ. (પૃષ્ઠ-127, પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

હિંદુ -મુસ્લિમ એકતાના ખોટી દિશામાં થયેલા પ્રયાસોએ જ ભારતના ભાગલા કરાવ્યા અને સ્વતંત્ર ભારતના 80મા સ્વતંત્ર દિનની ઉજવણીએ પણ ભારતમાં કોમ્યુનલ પ્રોબ્લેમ અર્થાત કોમવાદી સંઘર્ષનો પ્રશ્ન યથાવત છે. પંડિત દીનદયાલજીએ કહ્યુ હતુ કે શું વિભાજને એ સ્પષ્ટ દેખાડી દીધું નથી કે તુષ્ટિકરણ એકતાનું સાધન બની શકે નહીં? તો પછીના સમયગાળામાં આપણે આ સાધનો બાબતે પુનર્વિચાર કર્યો નહીં? આપણે શા માટે અસંદિગ્ધ શબ્દોમાં ઘોષિત કર્યું કે ભારતમાં ઉપાસના પદ્ધતિઓની વિવિધતા તો રહી શકે છે, પરંતુ રાષ્ટ્રીય સાંસ્કૃતિક ધારા એક જ રહેશે અને જે તે ધારાની સાથે પોતાને સમરસ નહીં કરી શકે, તે અહીંના રાષ્ટ્રીય નહીં રહી જાય? (પૃષ્ઠ-129, પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

સ્પષ્ટ છે કે સંસ્કૃતિ જ આપણા રાષ્ટ્રીય એકાત્મતાનું પ્રાણતત્વ છે. ભારતમાં મુસ્લિમો આક્રમણખોરો તરીકે આવ્યા અને તે ભાવનાથી જ સ્વતંત્ર ભારતમાં રહે તો તેને લઈને રાષ્ટ્રીય પ્રવાહની સમરસતાની પદ્ધતિઓ પર વિચારણા થવી જોઈએ. પાકિસ્તાનનું નિર્માણ ભારતભૂમિ પર થયેલું રાજકીય આક્રમણ જ છે. આપણે ભલે તેને વિભાજન કહીએ, પણ તે હજાર-બારસો વર્ષ પહેલા શરૂ થયેલા આક્રમણોનો એક નવો અધ્યાય છે. 

પાકિસ્તાન અખંડ ભારતનો જ આક્રમિત ભાગ છે અને તેને ફરીથી આ અખંડ હિંદુ રાષ્ટ્રનું અંગ બનાવવું જોઈએ. કોઈ સમજૂતી સ્વીકાર્ય ન હોવી જોઈએ. પણ આ કેવી રીતે થશે, તેને લઈને પંડિત દીનદયાલ ઉપાધ્યાયે આપેલો જવાબ પણ સાંભળી લેવો જોઈએ કે મુસ્લિમોને રાજકીય મોરચે હરાવીને. (પૃષ્ઠ - 131, પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

એ પણ સચ્ચાઈ છે કે ભારતના મુસ્લિમોમાં એ ઈચ્છા દેખાતી નથી કે દેશ અખંડ થઈ જાય. તેનું કારણ એ છે કે તેઓ સંપૂર્ણ ભારતવર્ષને ફરીથી ઈસ્લામિક સત્તાને આધીન બનાવવાની આધારભૂમિ તરીકે પાકિસ્તાનને જોવે છે. આ લક્ષ્યને પ્રાપ્ત કરવા માટે પાકિસ્તાન તેમની દ્રષ્ટિએ એક સીડી હોય, તો અખંડ ભારતની પરિકલ્પનાનો તેવો કેવી રીતે સ્વીકાર કરશે? માટે અહીંપણ કોમવાદી રાજકીય આકાંક્ષાઓને નિષ્ફળ બનાવનારી રાષ્ટ્રીય શક્તિઓને પ્રબળ કરવાનો જ એકમાત્ર માર્ગ આપણી પાસે બાકી રહે છે. (પૃષ્ઠ -131 , પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

આના માટે પંડિત દીનદયાલજીએ કહ્યુ કે એકતાની અનુભૂતિના અભાવને કારણે જ દેશ ખંડિત થયો, તો તે અનુભૂતિના અસ્તિત્વથી જ તે અખંડ થશે. આપણે તે દિશામાં પ્રયત્ન કરવા જોઈએ. મુસ્લિમોને ભારતીય બનાવવા માટે આપણે વિગત 50 વર્ષોમાં અપનાવેલી આપણી નીતિઓમાં પરિવર્તન કરવું પડશે. કોંગ્રેસે એકતાના પ્રયાસોને ખોટા આધાર પર કર્યો. રાષ્ટ્ર અને સંસ્કૃતિની અનાદિકાળથીચાલી આવતી વાસ્તવિક એકતાનો સાક્ષાત્કાર કરવાના સ્થાને અને સૌને તે એકતાનો અનુભવ કરાવવાના સ્થાને કોંગ્રેસે અનેકતાનું આત્મઘાતી પોષણ જ કર્યું. તેની સાથે જ તેણે અનેકોને કૃત્રિમ અને રાજકીય સોદાબાજીના આધારે એક કરવાની કોશિશ કરી. આ પ્રયાસો ક્યારેય સફળ થઈ શકે નહીં. રાષ્ટ્રીયતા અને અરાષ્ટ્રીયતાનું સમન્વય થવું અસંભવ જ છે. (પૃષ્ઠ-131 , પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

ભારતમાં રહેતા મોટાભાગના મુસ્લિમો અને ખ્રિસ્તીઓના પૂર્વજ હિંદુ છે. આ તથ્ય નિશંકપણે સત્ય છે. પણ ભારતના રાષ્ટ્રીય પ્રવાહ સાથે નહીં ભળવાની મજહબી ઉન્માદી માનસિકતા તેમને આ તથ્ય સ્વીકારીને હિંદુઓ સાથે અલગ પૂજાપદ્ધતિ હોવા છતાં રાષ્ટ્રીય પ્રવાહ એક હોવાની સમરસતા કેળવવામાં મુખ્ય અડચણ છે. 

પં. દીનદયાલજીએ કહ્યુ છે કે પાકિસ્તાન માત્ર એક પૃથક રાજકીય સત્તા નથી. હિંદુસ્થાનના ઐતિહાસિક રાષ્ટ્રીયત્વ સાથે નાતો તોડનારી, ભિન્ન અને શત્રુત્વની ભાવનાથી ઓતપ્રોત વિજાતીય રાષ્ટ્રીયતામાં તેમનો વિશ્વાસ છે. આ તો વિષ છે. (પૃષ્ઠ-133 , પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

તેમણે આ વિષનો તોડ પણ જણાવ્યો છે અને કહ્યુ છે કે જ્યાં સુધી મુસ્લિમોનો રાજકીય પરાભવ નથી થતો, ત્યાં સુધી આનો હલ થઈ શકશે નહીં. આવા રાજકીય પરાભવ બાદ જ મુસ્લિમોને પોતાનામાં મિલાવી લેવાનું શક્ય બનશે. સમસ્યાનું આ યથાર્થ રુપ છે. આને સમજ્યા વગર તુષ્ટિકરણની નીતિ પર ચાલીને અથવા પ્રભાવહીન આહ્વાન કરીને હિંદુ-મુસ્લિમ એકતાના પ્રયાસો અહીં કરવામાં આવ્યા. કોઈ આશ્ચર્ય નથી કે તે નિષ્ફળ જ રહ્યા. આ નીતિને કારણે હિંદુ સમાજમાં હીનભાવ આવી ગોય છે, તેને પણ આ ભાગલાવાદીઓના રાજકીય પરાભવ કરીને દૂર કરી શકાશે. રાષ્ટ્રીય પુરષાર્થની ભાવનાને ફરીથી ઉન્મુક્તતા મળશે. પરાભવ બાદ આત્મનિરીક્ષણની ભાવના જાગે છે. મુસ્લિમ આવું આત્મનિરીક્ષણ કરશે, ત્યારે તે સત્યનો બોધ તેમનામાં પણ જાગશે કે ભારતની પરંપરા જ તેમની પોતાની પરંપરા છે અને આપણા પૂર્વજ એક જ છે તથા ભારતમાતા જ આપણી માતા છે. (પૃષ્ઠ-133 , પંડિત દીનદયાલ ઉપાધ્યાય વિચાર-દર્શન, ખંડ-5 રાષ્ટ્રની અવધારણા (હિંદી), લે. - ચંદ્રશેખર પરમાનંદ ભિષીકર, અનુવાદક - મોરેશ્વર તપસ્વી, સુરુચિ પ્રકાશન દિલ્હી, દ્વિતિય સંસ્કરણ- 1991)

તેથી જ પં. દીનદયાલ ઉપાધ્યાયે મુસ્લિમોના સ્વતંત્ર ભારતમાં રાજકીય પરાભવ અને તેની સાથે જ રાવલપિંડીના તખ્તને તોડવાની વાત કહી હતી, કારણ કે ભારતને દબાવી-કચડી અને ધર્માંતરીત કરીને ઈસ્લામિક બનાવવાની ઘેલછાનું આધારબિંદુ પાકિસ્તાન તેના સર્જનકાળથી જ બનેલું છે. પાકિસ્તાન ભારતમાં મુસ્લિમોને મજહબી ઉન્માદમાં ફસાવવાના કારસા કરતું રહે છે. પાકિસ્તાનના મોટા નેતાઓ ઘણીવાર કહી ચુક્યા છે કે પાકિસ્તાનની સરહદ ભૌગોલિક હોવાના સ્થાને માનસિક વધારે છે. કાશ્મીરમાં અંદાજે ચાર દાયકા જૂના ઈસ્લામિક આતંકવાદને પાકિસ્તાન કેવી રીતે પ્રેરીત-પોષિત કરી રહ્યું છે, તે આપણે સૌ જોઈ રહ્યા છીએ. ભારતમાં પણ વોટબેંકની રાજનીતિમાં કેવી રીતે મુસ્લિમ તુષ્ટિકરણ ચાલ્યું તેને પણ આપણે જોયું. હિંદુઓની રાજનીતિક એકતાએ 1989થી ભારતનું રાજનીતિક ચરિત્ર બદલવાની શરૂઆત કરી છે. 2014 બાદ આનો બીજો અધ્યાય શરૂ થયો છે. પણ હિંદુઓની રાજકીય એકતા સામાજિક એકતાના દ્રઢીકરણમાં નહીં વાપરવામાં આવે, તો તેનો ફાયદો પાકિસ્તાન પરસ્ત ભાગલાવાદીઓ અને વોટબેંકના સાધકો ઉઠાવશે. 

GEN-Z પર RSS ચીફ કરે છે આંખ બંધ કરીને ભરોસો, દેશદ્રોહના ગાણાં ગાતા ભાજપના નેતા કરશે!

- આનંદ શુક્લ 

એક તો નીટ-યુજીનું પેપર લીક થાય અને તેની સામે વિદ્યાર્થીઓ વિરોધ વ્યક્ત કરે તો તેમની વાત કાને ધરવામાં આવે નહીં અને આંદોલન કરે... તો આંદોલનકારીઓને જ રાષ્ટ્રવિરોધી અને બહારી શક્તિઓના રમકડાં હોય તેવા નરેટિવ ચલાવવામાં આવે.

કોકરોચ જનતા પાર્ટી એટલે કે સીજેપીની સ્થાપના ડિજિટલ પ્લેટફોર્મ પર કરવામાં આવી, અભિજીત દીપકે સીજેપીના સંસ્થાપક અમેરિકાથી સ્વદેશ પાછા ફર્યા અને દિલ્હી જંતર-મંતર પર સોનમ વાંગ્ચુકની ભૂખ હડતાળ અને સીજેપીના દેખાવો શરૂ થયા.

દિલ્હીમાં છાત્ર આંદોલન વખતે પોલીસ સાથે ઘર્ષણ પણ થયું અને વિવાદ પણ થયો... શિક્ષણ મંત્રી પદેથી ધર્મેન્દ્ર પ્રધાનને રાજીનામું પણ આપવું પડયું.

જે સોનમ વાંગ્ચુકને દેશદ્રોહી ગણાવતા નરેટિવ ચલાવાયા તેમના પારણાં કેન્દ્રીય મંત્રી જે. પી. નડ્ડા અને જિતેન્દ્ર સિંહ દ્વારા થયા. ખુદ વાંગચુકે પણ કહ્યુ કે જો તેઓ દેશદ્રોહી હોત તો સરકાર તેમને છોડત...

કેટલીક ન્યૂઝ ચેનલોના પ્રાઈમ ટાઈમ જોયા હશે તો તેમા એક કે બીજા સ્વરૂપે છાત્ર આંદોલન, સોનમ વાંગચુક અને અભિજીત દીપકે સહીતના લોકો પર તેઓ દેશદ્રોહી હોય કે દેશવિરોધી કામ કરી રહ્યા હોય કે બહારના તત્વોના હાથમાં રમતા હોય તેવા નરેટિવ સીધા કે આડકતરી રીતે ચલાવાતા હતા. 

ભાજપના એક સાંસદ છે નિશિકાંત દુબે... તેમણે દાવો કર્યો હતો કે છાત્રોનું આંદોલન વિદેશી શક્તિઓ અને રાષ્ટ્રવિરોધી તત્વોએ પોતાના કબજામાં લઈ લીધું છે. 

ભાજપના રાષ્ટ્રીય અધ્યક્ષ નીતન નવીને પણ એક કાર્યક્રમમાં કહ્યુ હતુ કે વાયરસ અને કોકરોચ જેવી પાર્ટીઓ આવી રહી છે, જે દેશને ખોખલો કરવા માંગે છે. 

પશ્ચિમ બંગાળના મુખ્યમંત્રી શુભેન્દુ અધિકારીએ પણ આરોપ લગાવ્યો હતો કે છાત્ર આંદોલન દરમિાયન રાષ્ટ્રવિરોધી ગેંગ ફરી સક્રિય થઈ છે. 

ભાજપના મુંબઈ પ્રદેશ પ્રમુખ અમિત સાટમે દાવો કર્યો હતો કે સીજેપીના આંદોલનમાં રાષ્ટ્રવિરોદી તત્ત્વ સામેલ હતા અને વિપક્ષ પર આવા લોકોને સાથ આપવાનો આરોપ લગાવાયો હતો. 

એક વાત યાદ રાખવા જેવી છે કે કોઈપણ વ્યવસ્થા એટલે કે સિસ્ટમ ખુદ અંદરથી પોતાનો બચાવ કરતી હોય છે. સિસ્ટમને ચલાવનારા-સંચાલન કરનારાઓ વખતોવખત બદલાય છે. પણ આ બદલાયેલા લોકો સિસ્ટમને વફાદાર બની જતા હોય છે, એટલે કે ખુદ સિસ્ટમ જ બની જતાં હોય છે. જ્યારે સિસ્ટમની ખામીઓ ઉજાગર થતી હોય છે, ત્યારે સિસ્ટમના આવા કર્તાધર્તાઓ સિસ્ટમનો જ બચાવ કરતા હોય છે.. એટલે ખુદનો જ બચાવ કરતા હોય છે. આવી જ કંઈક સ્થિતિ દિલ્હી જંતર-મંતર ખાતે સીજેપીના આંદોલન વખતે જોવા મળી હતી. 

દિલ્હીના સીજેપીના આંદોલન બાદ આરએસએસના સરસંઘચાલક મોહન ભાગવત ઝેન-ઝી અને ઝેન-આલ્ફા સાથે સંવાદ કરી રહ્યા છે. 100થી વધુ સ્થાનો પર આ સંવાદ થવાનો છે. મુંબઈમાં ઈન્ડિયાઝ ઈન્ટરનેશનલ મૂવમેન્ટ ટૂ યૂનાઈટેડ નેશન્સના 15મા સંમેલમાં 15થી 19 વર્ષના 2000થી વધુ વિદ્યાર્થીઓ સાથે તેમણે સંવાદ કર્યો. 

ભાગવતે આ સંવાદમાં કહ્યુ કે જ્યારે અન્ય માર્ગો કામ આવતા નથી, તો વિરોધ પ્રદર્શન એક યોગ્ય લોકશાહી પદ્ધતિ હોય છે. એ પણ સંવાદ અને સંમતિ બનાવવાની એક રીત છે. બંધારણ અને બી. આર. આંબેડકરના વિચારોનો ઉલ્લેખ કરતા તેમણે કહ્યુ કે લોકશાહીમાં વિરોધની રીત અને નિયમ હોય છે. દેખાવ કોઈ વ્યક્તિ વિરુદ્ધ નહીં, પણ વ્યવસ્થામાં સુધારા માટે હોવા જોઈએ. 

આરએસએસના ચીફે કહ્યુ કે નવી પેઢી પણ સમાજનું અભિન્ન અંગ છે. તેમના વિચારો અને સવાલો સમજવા માટે વાતચીત જરૂરી છે. મતભેદો છતાં સંવાદ અને ચર્ચા થવી જોઈએ, કારણ કે દરેક સમસ્યાનું સમાધાન પરસ્પર વાતચીતથી જ સંભવ છે. 

ઝેન - ઝી પર પૂર્ણ વિશ્વાસ હોવાની વાત કરીને ભાજપના જે નેતાઓએ દિલ્હીના જેન-ઝીના આંદોલનને રાષ્ટ્રવિરોધી તત્વોના હાથમાં રમતું ગણાવ્યું તેમને પણ જવાબ આપતા ભાગવતે કે જેન-ઝી કોઈ મુદ્દા પર વિરોધ કરી રહ્યુ ંછે, તો તે દેશવિરોધી થઈ જતા નથી. તે આપણા જ લોકો છે. આપણી આગલી પેઢી છે. હું આંખ મિંચીને ઝેન-ઝી પર વિશ્વાસ રાખીશ. તેમણે ક્હયુ છે કે જે કંઈપણ થયું છે, ફરિયાદ યોગ્ય છે. ભારતીય શિક્ષણ વ્યવસ્થામાં હજી ઘણું બધું કરવાનું બાકી છે. પણ આવું થઈ રહ્યું નથી, માટે આ પ્રકારની ચર્ચા થઈ રહી છે. 

ઝેન-ઝી અને ઝેન-આલ્ફા પેઢીને અણસમજુ અને બેજવાબદાર ગણાવનારાઓને પણ આ સંવાદ દરમિયાન સંઘ પ્રમુખ ભાગવતે જવાબ આપતા કહ્યુ છે કે ઝેન-ઝી અને ઝેન-આલ્પા સવાલ પુછે છે.. તેમને તાર્કિક જવાબ જોઈએ. આ નવી પેઢી અમારી હાલની પેઢીથી વધુ ઈમાનદાર છે. દેશભક્તિ અને સેવાની ઈમાનદારી અપીલ તેમના પર અસર કરે છે. દિલ્હીમાં ઝેન-ઝી ના આંદોલન દરમિયાન પેલેટ ગન ચાલ્યાને લઈને વિવાદ ચાલી રહ્યો છે. સુપ્રીમ કોર્ટમાં પણ સવાલ ઉઠાવાય રહ્યા છે. ત્યારે ભાગવતે મુંબઈ ખાતેના સંવાદમાં કહ્યુ કે આનું કારણ (પેલેટ ગન ચાલવાનું) અમને ખબર નથી, પણ તપાસ કરવી પડશે. 

ભાજપનું વૈચારિક કેન્દ્રબિંદુ રાષ્ટ્રીય સ્વયંસેવક સંઘ છે. 1951-52માં ભારતીય જનતા પાર્ટીની પુરોગામી પાર્ટી ભારતીય જનસંઘની સ્થાપના ડૉ. શ્યામા પ્રસાદ મુખર્જીએ કરી હતી અને તેના પહેલા તેમણે રાષ્ટ્રીય સ્વયંસેવક સંઘના દ્વિતિય સરસંઘાચલ શ્રી ગુરુજી સાથે વાતચીત પણ કરી હતી. શ્રીગુરુજીએ ત્યારે ડૉ. મુખર્જીને રાષ્ટ્રીય સ્વયંસેવક સંઘના કેટલાક પ્રચારકો અને કાર્યકર્તાઓ જનસંઘનું કામ કરવા માટે સોંપ્યા હતા. કટોકટી બાદ બનેલી જનતા પાર્ટીમાં જ્યારે ભારતીય જનસંઘનો વિલય થયો અને મધુ લિમયે જેવા નેતાઓએ જનસંઘના નેતા-કાર્યકર્તાઓ જનતા પાર્ટીની સાથે રાષ્ટ્રીય સ્વયંસેવક સંઘના સદસ્ય હોવાનો ડ્યૂઅલ મેમ્મબશિપનો મુદ્દો ઉઠાવ્યો. ત્યારે જનતા પાર્ટી છોડીને આવા કાર્યકર્તાઓએ ભારતીય જનતા પાર્ટીની સ્થાપના કરી હતી. હવે આ ભાજપના જે નેતાઓ ઝેન-ઝીના દિલ્હી જંતર-મંતર ખાતેના આંદોલનને સીધી કે આડકતરી રીતે રાષ્ટ્રવિરોધી ગણાવી રહ્યા છે, તેમના કાને સંઘના સરસંઘચાલક મોહન ભાગવતની વાત પહોંચશે કે કેમ, તે સવાલ પણ આગામી સમય જ આપી શકશે. 

સરકારની સામેનો દરેક અસંતોષ કે દરેક વિરોધ દેશ કે રાષ્ટ્રની વિરુદ્ધનો નથી હોતો. કોઈપણ આંદોલનને તોડી પાડવા કે કોઈ સાચી રજૂઆતને ઉતારી પાડવા માટે રાષ્ટ્રવિરોધી-દેશવિરોધી ગણાવવી કે ચીન-પાકિસ્તાન કે અન્ય બહારી શક્તિઓના આમા દોરીસંચારની વાત કહેવી ખરેખર દેશદ્રોહ કેમ ન ગણવો જોઈએ, તેવો સામે સવાલ પણ થવો જોઈએ. 

તમને યાદ હશે કે ઈન્ડિયા અગેન્સ્ટ કરપ્શનના બેનર હેઠળ અણ્ણા હજારેના જનલોકપાલની માગણી સાથે દિલ્હીમાં અનશન થયા હતા. 2014માં સત્તા પણ બદલાઈ.. પણ વ્યવસ્થા પરિવર્તન થયું નથી. ત્યારે પણ અણ્ણા આંદોલનનો લાભ લઈને રાજકીય પાર્ટી બની અને રાજકીય નેતાઓ પણ માર્કેટમાં આવ્યા. તેમની સામે પણ સવાલો ઉઠયા છે. પણ તેમને સદંતર ખોટા ગણાવીને દેશ કે રાષ્ટ્રવિરોધી ગણાવીને અમારી પાર્ટી જ સાચી આવી માનસિકતા લોકશાહીની ભાવનાઓની વિરુદ્ધ જ છે. જાહેર વિમર્શ લોકશાહીમાં હંમેશા આવકાર્ય હોવો જોઈએ, લોકશાહીમાં વ્યવસ્થાના સાચા માલિક દેશના લોકો -જનતા છે. આ પબ્લિક છે અને પબ્લિક બધું જાણે છે... તેમને મુર્ખ બનાવી શકાય તેમ નથી, આ વાત જ્યારે વ્યવસ્થામાં બેઠેલા ભૂલી જાય છે.. ત્યારે તેમને આ પબ્લિક જ પાઠ ભણાવે છે. પણ તેના પહેલા વાજબી વાતોની ચર્ચાવિચારણા કરીને તેને સ્વીકારીને સુધારો કરવામાં આવે, તો લોકશાહી પણ જીવંત રહે છે અને જનતા પણ ખુશ રહે છે.

RSS ચીફ મોહન ભાગવત માટે અનામત "સબ્સિડીવાળો LPG ગેસ સિલિન્ડર" છે!

- આનંદ શુક્લ

27 માર્ચ, 2015ના રોજ નવી દિલ્હી ખાતેના ઊર્જા સંમેલનમાં વડાપ્રધાન નરેન્દ્ર મોદીએ સક્ષમ નાગરિકોને એલપીજી ગેસ સબ્સિડી છોડવાની હાકલ કરી હતી. તેને લઈને ગિવ ઈંટ અપ અભિયાન શરૂ થયું હતું. તેનો ઉદેશ્ય બહુ સારો હતો કે અમીર અને સક્ષમ લોકો દ્વારા છોડવામાં આવેલી સબ્સિડીના નાણાં ગરીબ અને ગ્રામીણ પરિવારોને મફત રાંધણગેસ કનેક્શન ઉપલબ્ધ કરાવી શકાય. આ અપીલ બાદ કેટલાક લોકોએ સબ્સિડીવાળા રાંધણ ગેસના સિલિન્ડર છોડી દીધા કે એલપીજી ગેસ સિલિન્ડરના ભાવ કેટલા વધ્યા. ઈરાન યુદ્ધ વખતે એલપીજી ગેસ સિલિન્ડરની કિંમત કેટલી થઈ કે વધી.. આ બધી ચર્ચા અહીં કરવી નથી. 

પણ તાજેતરમાં રાષ્ટ્રીય સ્વયંસેવક સંઘના સરસંઘચાલક મોહન ભાગવતે નીતા મુકેશ અંબાણી કલ્ચરલ સેન્ટરમાં બે હજાર જેટલા જેન-ઝી અને જેન-આલ્ફા યુવાઓની હાજરીમાં IIMUN ના ફાઉન્ડર ઋષભ શાહ સાથે વાતચીત કરી હતી. જેમાં તેમણે જે વાત કરી તેના પરથી એવું લાગી રહ્યું છે કે તેઓ અનામતને સબ્સિડીવાળા એલપીજી ગેસ સિલિન્ડરની જેમ સમજી રહ્યા છે.

તેમને આશ્ચર્ય થશે, પણ તેમણે કહેલી વાત યાદ કરાવીએ તો એવું લાગશે કે જાણે ખરેખર અનામતને સબ્સિડીવાળા એલપીજી ગેસ સિલિન્ડર જ સમજે છે. 

તેમણે અનામતના મામલે વાત કરતા કહ્યુ કે જેમને અનામત મળી ગયું છે અને જેમની સ્થિતિ ઠીક થઈ ગઈ, તેઓ કોટાનો લાભ છોડી દે. તેમણે એમ પણ કહ્યુ હતુ કે જે લોકોને અનામત મળી ચુક્યં છે, જેમાંથી ઘણાં એવા છે, જો કે તેમની સંખ્યા ઓછી.. તે કહે છ કે અમે લઈ લીધું છે.. અમારી સ્થિતિ ઠીક થઈ ગઈ છે હવે બીજાને આપી દો.

તેમણે કરેલી આ વાત તમને પીએમ મોદી દ્વારા સબ્સિડીવાળા એલપીજી ગેસ સિલિન્ડર છોડવાની અપીલ જેવી નથી લાગતી. વળી તેમણે જે દાવો કર્યો છે કે અનામત મળી ચુક્યું હોય અને સ્વેચ્છાથી તેને છોડીને અન્યને આનો લાભ આપવા માટે તૈયાર હોય તેવા કેટલા વ્યક્તિઓને તમે ઓળખો છો. 

જેવી રીતે સબ્સિડીવાળા એલપીજી ગેસ સિલિન્ડર છોડનારા વધેલા ભાવ સાથે એલપીજી ગેસ સિલિન્ડર ખરીદી રહ્યા છે.. તેમની ભાવનાઓની તો કોઈ વાત કરતું નથી. તેવી સ્થિતિ સ્વૈચ્છિક અનામત છોડનારની થવાની શક્યતાઓને પણ જોવાઈ રહી છે. 

અનામત માટે સબકેટેગરી બનાવવાનું સમર્થન કરતા ભાગવતે કહ્યુ છે કે કેટેગરી બનાવવાની માગણી કેટલાક પ્રાંતોમાં થઈ છે. હજી સુપ્રીમ કોર્ટે પણ કહી દીધુ છે. આવું એટલા માટે થયું છે.. કારણ કે સૌને મળવું જોઈએ. તો અનામત મેળવી ચુકેલા લોકોમાં એક અવી જમાત છે, જે કહે છે કે આ અમારા ઉત્થાન માટે છે, આ કાયમી ઉકેલ નથી. તેનો અમારે ફાયદો લેવો છે. પોતાની સ્થિતિ ઠીક કરવી છે અને તેને અન્યો માટે લાભકારી બનાવવાનું છે. જેમને અત્યાર સુધી આનો લાભ મળ્યો નથી. આવું લોકો વિચારે છે, તેને પ્રોત્સાહન આપવું જોઈએ. તેમાં રાજનીતિ થવી જોઈએ નહીં. 

જો કે શિક્ષણ અને રોજગારમાં અનામત ઘટાડવા બાબતે પુછાયેલા સવાલના જવાબમાં સંઘ પ્રમુખ મોહન ભાગવતે કહ્યુ હતુ કે આ મુદ્દો બી. આર. આંબેડકરના દ્રષ્ટિકોણથી જોવો જોઈએ. તેમણે ભારપૂર્વક કહ્યુ કે જ્યાં સુધી સામાજિક ભેદભાવ રહશે, ત્યાં સુધી અનામત ચાલુ રહેશે. 

ભાગવતે એમ પણ ઉમેર્યું હતું કે અનામત લાગુ કરવાનું કામ રાજકીય માનસિકતાથી અલગ હોવું જોઈએ. તેમણે ક્હયુ હતુ કે જો કલ્યાણકારી ઉપાય પ્રામાણિકતા અને સચ્ચાઈથી લાગુ કરવામાં આવે, તો અનામતની જરૂરત જલદી જ સમાપ્ત થઈ જશે અને તેના પછી જ તેના ભવિષ્ય પર ચર્ચા થવી જોઈએ. 

ભાગવતના નિવેદનથી બે વાત સ્પષ્ટ છે કે સામાજીક ભેદભાવો હજી અસ્તિત્વમાં છે અને કલ્યાણકારી ઉપાયોને લાગુ કરવામાં પુરતી પ્રામાણિકતા અને સચ્ચાઈ લાવી શકાય નથી. વળી અનામતને લાગુ કરવામાં પણ રાજનીતિ સ્વતંત્રતા સાથે જ શરૂ થઈ હતી. 

ભારતીય બંધારણમાં મૂળભૂત રીતે અનુસૂચિત જાતિ અને અનુસૂચિત જનજાતિના સામાજીક સ્તરને ઉપર લાવીને સામાજીક ન્યાય અપાવવા માટે લાગુ કરવામાં આવ્યું હતું. આભડટછેટ અને ઉંચ-નીચ જેવા સામાજીક ભેદભાવો આની પાછળ કારણ હતા. 

અનામત બાદ સારું ભણવું અને સારી નોકરી મેળવી પૈસાપાત્ર થવાથી આવા સામાજીક ભેદભાવો જતાં નથી, તે અનામત લાગુ થવાના આટલા દાયકાઓના અનુભવે સાબિત કર્યું છે. સામાજીક ભેદભાવો વચ્ચે પણ એસસી-એસટી વર્ગના લોકોને સ્વીકારવા માટે સમાજને બાધ્ય કરવા માટે અનામતની વ્યવસ્થા લાવવામાં આવી હતી. પણ અનામત પર આંટાપાટાનું રાજકારણ રમતા છેક વાત હવે આર્થિક રીતે પછાતને અનામત આપવી અને અન્ય પછાત વર્ગોમાં જાતિઓને સામેલ કરવી કે કાઢવી સુધીની રાજરમતો થઈ રહી છે. 

કોકરોચ જનતા પાર્ટીના દિલ્હી જંતર-મંતર ખાતેના નીટ-યુજી પેપર લીક કાંડ મામલે થયેલા આંદોલન અને ધર્મેન્દ્ર પ્રધાનના શિક્ષણ મંત્ર પદેથી રાજીનામા બાદ હવે અનામત હટાવો-અનામત બચાવોની ડિજિટલ પ્લેટફોર્મ્સ પર ચર્ચાઓ શરૂ થઈ ચુકી છે. તાજેતરના સપ્તાહોમાં રાજસ્થાન, મહારાષ્ટ્ર, ઉત્તર પ્રદેશ અને આંધ્રપ્રદેશ જેવા રાજ્યોમાં અનામત વિરોધી દેખાવોના પણ અહેવાલ છે. ઘણાં જૂથો જાતિ આધારીત કોટા અને યુજીસીના ઈક્વિટી નિયમો કે જેના પર હાલ રોક છે, તેની સમીક્ષા કે તેની વાપસીની માગણી કરી રહ્યા છે. રિઝર્વવેશન હટાવવાની માગણી સાથે દિલ્હીના જંતર-મંતરમાં આંદોલનની વાતો સોશયલ મીડિયા પ્લેટફોર્મ્સ પર ફોલોઅર્સની સંખ્યા વધારીને કરાઈ રહી છે. તો સામે રિઝર્વેશન બચાવોની વાતો પણ સમાન ઉગ્રતાથી મૂકાઈ રહી છે. 

આવા સંજોગોમાં તમને શું લાગે છે કે અનામત કંઈ સબ્સિડીવાળો એલપીજી ગેસ સિલિન્ડર છે કે તેને કોઈ છોડી દેશે? સૌથી પહેલા તમે જ વિચારો કે શું તમે સબ્સિડીવાળો એલપીજી ગેસ સિલિન્ડર છોડી દીધો છે? શું તમને અનામત મળતું હોય તો તમે સંઘ પ્રમુખની વાત સાથે સંમત થઈને તમને અનામતનો ફાયદો મળ્યા પછી તેને છોડવા માટે તૈયાર છો? જો કે 2014માં ભાજપને લોકસભામાં સ્પષ્ટ બહુમતી અપનારી લોકપ્રિયતા સાથે વડાપ્રધાન બનેલા નરેન્દ્ર મોદીની વાત માનીને સબ્સિડીવાળો એલપીજી ગેસ સિલિન્ડર છોડનારાઓની સંખ્યા એટલી વધારે નથી અને તમને લાગે છે કે સંઘ પ્રમુખ મોહન ભાગવતની હાલની લોકપ્રિયતા તે સમયની પીએમ મોદીની લોકપ્રિયતાનો મુકાબલો કરી શકે તેમ છે...?

બ્રાન્ડ મોદીની એક્સપાયરીનો સમય નજીક છે!, હિંદુ રાજનીતિએ જલ્દી વિકલ્પ સામે લાવવો પડશે

- આનંદ શુક્લ

ગુજરાતે બ્રાન્ડ મોદી તૈયાર કરી અને હિંદુ રાજનીતિને 2014થી દેશનું કેન્દ્રબિંદુ પણ બનાવી છે. દેશની રાજનીતિ સેક્યુલરમાંથી હિંદુ રાજનીતિ પણ બની છે અને મુસ્લિમ વોટના સમીકરણોથી જાતિવાદી રાજકારણ થકી સત્તા મેળવનારાઓને હિંદુઓની પોલિટિકલ યૂનિટીની શક્તિ પણ દેખાડી છે.પણ જુલાઈ-2026 દર્શાવે છે કે બ્રાન્ડ મોદીની એક્સપાયરી હવે નજીક આવી ચુકી છે અને હિંદુ રાજનીતિએ જલ્દી બ્રાન્ડ મોદીનો વિકલ્પ જનતા સામે લાવવો પડશે. આવો વિકલ્પ જનતા સામે લાવવામાં ખુદ વડાપ્રધાન નરેન્દ્ર મોદીએ પણ હિંદુ રાજનીતિના વ્યૂહરચનાકારોને મદદ કરવી પડશે. જો આવી સ્થિતિ પેદા નહીં થાય તો કદાચ ભારતની રાજનીતિનું હાલ કેન્દ્ર બિંદુ બનેલી હિંદુ રાજનીતિ ફરી એકવાર દૂર ફેંકાય જાય અને દેશની રાજનીતિ ફરીથી યુટર્ન લઈ શકે છે. બ્રાન્ડ મોદી બનવાની કહાની 7 ઓક્ટોબર, 2001ના રોજ રાષ્ટ્રીય સ્વયંસેવક સંઘના પ્રચારક અને ભાજપના સંગઠન મંત્રી તરીકેની જવાબદારી નિભાવનારા નરેન્દ્ર મોદી રાજ્યના મુખ્યમંત્રી બન્યા. 27 ફેબ્રુઆરી, 2002ના રોજ ગોધરાકાંડ અને તેના પછી અનુગોધરાકાંડની દુર્ઘટનાઓ રાજ્યમાં ચાલી. આ દરમિયાન હિંદુ રાજનીતિ, રા.સ્વ.સંઘ, ભાજપ, મોદી સહીતના તમામ દક્ષિણપંથીઓની રાષ્ટ્રીય અને આંતરરાષ્ટ્રીય ટીકાઓનો વરસાદ વરસ્યો. આ દરમિયાન ગુજરાતના વિકાસને વાઈબ્રન્ટ બનાવવા માટે વાઈબ્રન્ટ ગુજરાતની પહેલ થકી ગુજરાતના વિકાસ મોડલને વિકસિત કરીને દેશ-દુનિયામાં પ્રોજેક્ટ કરવાનું કામ નરેન્દ્ર મોદીએ કર્યું. ગુજરાતમાં 2002, 2007, 2012ની વિધાનસભાની ચૂંટણીઓમાં ભાજપને જીત અપાવીને રાજ્યમાં તેના મૂળિયા વધુ ઉંડા અને વધુ મજબૂત બનાવવાનું કામ પણ બ્રાન્ડ મોદી થકી થયું. ગુજરાત મોડલ અને બ્રાન્ડ મોદી થકી રાષ્ટ્રીય સ્તરે નિરાશાના વાતાવરણ વચ્ચે હિંદુ રાજનીતિને 2014ની લોકસભાની ચૂંટણીમાં ગુજરાતના તત્કાલિન સીએમ નરેન્દ્ર મોદીમાં એક આશાનું નવું કિરણ જોવા મળ્યું. ભાજપે અનેક વિરોધ વચ્ચે નરેન્દ્ર મોદીને પીએમ પદનો ચહેરો જાહેર કરવા પડયા અને તેમના નેતૃત્વમાં 2014માં 1984 બાદ પહેલીવાર લોકસભામાં કોઈ એક પક્ષને બહુમતી મળીી હોય તેવી રાજકીય ઘટના આકાર પામી. બ્રિટશ અખબાર ધ ગાર્ડિયને પણણ 18 મે, 2014ના રોજ પોતના તંત્રીલેખમાં -અનઅધર ટ્રાયસ્ટ વિથ ડેસ્ટિની- (India: another tryst with destiny) લખીને જણાવ્યું કે આજનો, 18 મે, 2014નો દિવસ ઈતિહાસમાં એવી રીતે અંકિત થશે કે જ્યારે બ્રિટને આખરે ભારત છોડયું. બ્રાન્ડ મોદી હવે એક્સપાયરીની નજીક-રામમંદિરમાં દાનચોરી મોટો મુદ્દો પણ જુલાઈ-2026ની ઘટનાઓ જમાવી રહી છે કે બ્રાન્ડ મોદીની કદાચ હવે એક્સ્પાયરી નજીક આવી ચુકી છે. આમ પણ નરેન્દ્ર મોદી 75 વર્ષથી વધુ વયના થઈ ચુક્યા છે. મોદી સરકારના 2014થી અત્યાર સુધીના સમયગાળામાં ભારતના લોકો ખાસ કરીને હિંદુઓએ અને ખાસ કરીને મિલેનિયલ, ઝેન-ઝેડ અને અલ્ફા પેઢીએ, હિંદુ રાજનીતિનો ચાલ, ચરિત્ર અને ચહેરો જોયો છે. તેમાં પણ 493 વર્ષના અથગ-અણનમ સંઘર્ષ બાદ બનેલા રામજન્મભૂમિ પરના પવિત્ર રામમંદિરમાં દાનચોરીના મુદ્દે હિંદુ આસ્થાઓ હચમચી ઉઠી છે. આમ તો બ્રાન્ડ મોદી એક્સપાયરી તરફ હોવાના સંકેત આપવાની શરૂઆત રામમંદિરની પ્રાણપ્રતિષ્ઠા બાાદ યોજાયેલી 2024ની લોકસભાની ચૂંટણીમાં એનડીએ-ભાજપને બહુમતીથી દૂર રાખીને ભારતના લોકોએ કરી દીધી હતી. તેવામાં કેન્દ્રશાસિત જમ્મુ-કાશ્મીરના પહેલગામમાં ધર્મ પુછીને હિંદુઓને નિશાન બનાવીને કરાયેલા આતંકીઓના હત્યાકાંડે દેશના હિંદુઓમાં આક્રોશ પેદા કરી દીધો હતો. મે-2025થી જુલાઈ-2025 દરમિયાન ઓપરેશન સિંદૂર દ્વારા પાકિસ્તાનમાં આતંકીઓના ઠેકાણાઓને નિશાન બનાવવામાં આવ્યા. પણ આ તમામ ઘટનાક્રમો વચ્ચે હરિયાણા, મહારાષ્ટ્ર, બિહાર, બંગાળ, આસામમાં ભાજપને મોટી જીત મળી. જેના કારણે હિંદુ રાજનીતિના ખિલ્લે કૂદનારા વેંતિયાઓના ચાલ, ચરિત્ર અને ચહેરા વધુ લથડયા. આને કારણે બ્રાન્ડ મોદી વધુ ઘસાવા લાગી. ઓપરેશન સિંદૂરને રોકાવાનો દાવો અમેરિકાના રાષટ્રપ્રમુખ ડોનાલ્ડ ટ્રમ્પ અઢળકવાર કરી ચુક્યા છે. પાકિસ્તાનના સેનાધ્યક્ષ ફીલ્ડ માર્શલ આસિમ મુનિરને વ્હાઈટ હાઉસમાં ડીનર પણ કરાવી ચુક્યા છે. ટ્રમ્પ ભારત કરતા પાકિસ્તાનની વધુ નજીક ગયા હોય તેવું આંતરરાષ્ટ્રીય મંચો પર ઓપરેશન સિંદૂર બાદ લાગી રહ્યું છે. આવું લાગવાને પણ કારણ છે, ભારત પર ટ્રમ્પના ટેરિફ એટેક ટેરર એટેકની જેમ થયા છે. ભારતમાં ચીફ જસ્ટિસે 15 મે, 2026ના રોજ જે એક શબ્દ કહ્યો તેના આધારે અમેરિકાથી કૉકરોચ જનતા પાર્ટી ડિજિટલી લોન્ચ થઈ અને તેના લાખો સમર્થકો થોડાક સમયગાળામાં બની ગયા. ભારતમાં કોકરોચોનો જ્વાળામુખી ફૂટી પડયો. મુદ્દો હતો નીટ-યુજીના પેપર લીકનો મામલો. આ આંદોલન જંતર-મંતરમાં ચાલ્યું અને અનેક આંટાપાટા છતાં ધર્મેન્દ્ર પ્રધાનને શિક્ષણ મંત્રી પદ છોડવું પડયું. ભારતમાં 35થી ઓછી વયના યુવાઓની સંખ્યા 65 ટકા છે. તેમાંથી 15થી 29 વર્ષની જેન-ઝેડ તરીકે ઓળખાતી પેઢીની સંખ્યા 37 કરોડ જેટલી છે. તેમાં આ આંદોલન સાથે જોડાનારી 15 વર્ષથી ઓછી વયની પેઢીના કરોડો લોકો 2029 અને 2034ની લોકસભા ચૂંટણીમાં વોટ આપશે. એક સમય હતો કે ઘર-ઘર મોદી, હર-હર મોદી-ના સૂત્રો પોકારાતા હતા. ત્યારે જુલાઈ-2026માં દિલ્હીમાં જંતર-મંતરથી દુર્ભાગ્યે પીએમ મોદી અને તેમના સ્વર્ગસ્થ માતાને અપશબ્દો અને ગાળો બોલાતી હતી. વડાપ્રધાન નરેન્દ્ર મોદીએ આવું કરનારાઓને માફ કર્યા છે. પણ સવાલ એ છે કે આવું થવાનું કારણ શું હતું? શું બ્રાન્ડ મોદીની એક્સપાયરી હવે નજીક આવી ચુકી છે... નીટ-યુજી પેપર લીક કાંડ સામેના સીજેપીના આંદોલન અને તેના સંસ્થાપક અભિજીત દીપકેને લઈને ઘણાં નરેટિવ બનાવવામાં આવ્યા. પાકિસ્તાન-બાંગ્લાદેશથી સપોર્ટ સહીતના ફેક્ટરોની ચર્ચા થઈ અને ફોરેન ફંડિંગ સુધી વાત પહોંચી હતી. છતાં કેન્દ્રીય મંત્રીઓ જે. પી. નડ્ડા અને જિતેન્દ્રસિંહને સીજેપીના પ્રતિનિધિમંડળ સાથે વાત કરવી પડી. જે સોનમ વાંગ્ચુકને લઈને પાકિસ્તાનના એન્ગલથી દેશદ્રોહી ચિતરવાની વાત થઈ હતી, તેમને પારણા કરાવવા માટે પણ કેન્દ્રીય મંત્રી નડ્ડાને હોસ્પિટલમાં જવું પડયું. મતલબ કે પહેલા જે ચાલતા હતા તેવા નરેટિવને પણ પબ્લિક સપોર્ટ મળ્યો નહીં. ભારતમાતા કી જય બોલીને ખોટું બોલનારા અને ખોટું કરનારાઓએ બ્રાન્ડ મોદીને ઘસી નાખી છે, તેને એક્સપાયરી નજીક લાવી દીધી છે. દેશદ્રોહી, ખાલિસ્તાની કે ટુકડે-ટુકડે ગેંગ ઘોષિત કરીને યુવાઓને ડરાવવાની કોશિશ થઈ, પણ તે અસફળ રહી. જે સોશયલ મીડિયા બ્રાન્ડ મોદીની શક્તિ હતી. તે સોશયલ મીડિયા હવે બ્રાન્ડ મોદી માટે પાણિપતનું મેદાન બની ચુક્યું છે. જે રામમંદિર આંદોલને ભાજપને 6 વખત (1996માં 13 દિવસ, 1998માં 13 માસ, 1999-2014-2019-2024માં પાંચ વર્ષ માટે) સત્તા સુધી પહોંચાડયું. તે જ રામમંદિર બન્યા બાદ આંદોલનમાં સામેલ લોકોના નાક નીચે થયેલી દાનચોરીએ હિંદુ આસ્થા-હિંદુ વિશ્વાસને હચમચાવી નાખ્યો છે. ડીપ સ્ટેટના નિશાને છે બ્રાન્ડ મોદી- અંદરના ભેદિયાઓનો આવા તત્વોને મળી રહ્યો છે સાથ? આ સિવાય મોદી સરકારે 5 ઓગસ્ટ, 2019ના રોજ જમ્મુ-કાશ્મીરમાંથી કલમ-370 અને 35-એ બિનઅસરકારક કરીને પાકિસ્તાન સહીતના મુસ્લિમ દેશોના ડીપ સ્ટેટના નિશાને આવી ચુકીી હતી. 5 ઓગસ્ટ, 2020ના રોજ સુપ્રીમ કોર્ટના આદેશ પ્રમાણે રામજન્મભૂમિ પર રામમંદિર નિર્માણ માટે ભૂમિપૂજન કરીને ભારતમાં રાજનીતિના હિંદુકરણનો શંખનાદ કરવામાં આવ્યો, કે જે સોમનાથ મંદિરના પુનર્સ્થાપન વખતે થઈ શક્યો ન હતો. ટ્રિપલ તલાક સામે કાયદો અને હવે યુનિફોર્મ સિવિલ કોડની વાત થઈ રહી છે. રશિયાની સાથે સંબધોના સંતુલન અને ચીન સામે અમેરિકાની લાઈનદોરી પ્રમાણેનો વર્તાવ નહીં કરવાની વિદેશ નીતિએ ટ્રમ્પને ખાસા છંછેડયા છે એટલે અમેરિકાના ડીપ સ્ટેટના નિશાને પણ મોદી સરકાર છે. આવા સંજોગોમાં જો યાદ કરીએ કે 2012થી લઈને 2015 વચ્ચે ઘણાં એશિયન-આફ્રિકન મુસ્લિમ દેશોમાં સરકારો-શાસકો બદલાયા કે તેઓ ગૃહયુદ્ધમાં પહોંચ્યા હતા. તાજેતરમાં ભારતના પાડોશમાં અમેરિકાની વિરુદ્ધ બોલવું પાકિસ્તાનના તત્કાલિન વડાપ્રધાન ઈમરાનખાનને ભારે પડયું અને હવે તે જેલમાં છે. બાંગ્લાદેશમાંથી શેખ હસીનાને સત્તા છોડીને ભારતમાં શરણ લેવી પડી છે. શ્રીલંકામાં પણ સત્તા પરિવર્તનો થયા છે. નેપાળમાં પણ અચાનક આખી સરકારને ભાગવું પડયું અને નવી સરકાર સત્તામાં આવી છે. આ તમામ ઘટનાક્રમો કોઈ મોટી બહારી શક્તિ કે ડીપ સ્ટેટ વગર શક્ય લાગતી નથી. આવી કોઈ સ્થિતિ જેમને મોદી સરકાર ગમતી નથી તેવી શક્તિઓ દ્વારા આકાર આપવાની કોશિશો થઈ રહી હોય તો તેનો ઈન્કાર થઈ શકે તેમ નથી. આને લગતો કોઈ કારસો દેશની બહાર ઘડાયો હોય અને દેશની અંદર રહેલા બ્રાન્ડ મોદીના વિરોધીઓને તેમની જાણથી કે જાણ બહાર એકછત્ર નીચે લાવવાનું કામ કરાયું હોય તેવી આશંકાને પણ કારણ છે. બ્રાન્ડ મોદીના વિરોધીઓ હિંદુત્વની રાજનીતિ કરનારાઓમાં ઘણાં છે. તેમાં એનડીએના ભૂતપૂર્વ ઘટકદળોથી માંડીને સંઘ-ભાજપના અસંતુષ્ટ નેતાઓ-કાર્યકર્તાઓ પણ સામેલ છે. આ એક આખો ખેલ શતરંજની જેમ ચાલી રહ્યો છે અને ખેલાડીઓ કદાચ અદ્રશ્ય છે. બ્રાન્ડ મોદીનો વિકલ્પ જલદી સામે આવે- નહીંતર ખોટો વળાંક ભારે પડશે જનતાએ સમજવા કરતા હવે દેશના હિંદુ રાજનીતિ કરનારા વ્યૂહરચનાકારોએ બ્રાન્ડ મોદીની નજીક આવી રહેલી એક્સપાયરી જોતા હવે તેના વિકલ્પો કે વિકલ્પ જનતાની સામે લાવવાનો સમય આવી ચુક્યો છે. આ વિકલ્પમાં ગૃહ મંત્રી અમિત શાહ હોઈ શકે કે યુપીના મુખ્યમંત્રી યોગી આદિત્યનાથ હોઈ શકે કે બીજા કોઈ ચર્ચામાં ન હોય અને હાલ ઓજલ હોય તેવા નેતા પણ હોઈ શકે છે.

ભારત માટે હાલનો સમય એક નવો ટર્નિંગ પોઈન્ટ છે. આ ટર્નિંગ પોઈન્ટમાં ખોટો વળાંક દેશની રાજનીતિમાં હિંદુ પોલિટિકલ યુનિટીનું શીર્ષાસન કરાવી શકે છે. કાસ્ટ સેન્સસ વચ્ચે હવે અનામત હટાવો અને અનામત બચાવોની બૂમરાણો સંભળાઈ રહી છે. આવા સંજોગોમાં કાસ્ટ સેન્સસ બાદ હિંદુ પોલિટિકલ યુનિટી કે જે બ્રાન્ડ મોદીની મજબૂતાઈનું કારણ છે, તેના પર મોટું સંકટ છે. દેશનું રાજકારણ ફરી એકવાર જાતિવાદમાં સબડશે અને મુસ્લિમ વોટ સમીકરણો દ્વારા સત્તાનો ખેલ ફરીથી એવોને એવો જ ચાલુ થશે કે જે સ્વતંત્રતા બાદ 1998 સુધી બદલાયો ન હતો.